މަސްވެރިކަމުގެ ސިނާއަތުގެ ކުރިއެރުމަށް ފަހުގެ ޓެކްނޮލޮޖީއާއި ޒަމާނީ ވަސީލަތްތައް ބޭނުންކުރުން މުހިންމުކަމުގައި ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް ވިދާޅުވެއްޖެއެވެ.

ރާއްޖޭގައި މިއަދު ފާހަގަކުރާ މަސްވެރިންގެ ދުވަހުގެ މުނާސަބަތުގައި މީސްމީޑިއާ ގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ މަސްވެރިން ކުރަމުން ގެންދަނީ ހީވަގި ބުރަ މަސައްކަތެއް ކަމަށެވެ. އަދި އެއީ ދިވެހި އިގްރިސާދުގެ ލޭނާރުގެ ގޮތުގައި ސިފަކުރައްވައި، މަސްވެރިކަމުގެ ސިނާއަތަށް ފާގަތިކަމާއި ފަހިކަން މާތް ﷲ މިންވަރުކުރެއްވުމަށް އެދި ވަނީ ދުއާކުރައްވާފައެވެ.

ރާއްޖޭގައި ކޮންމެ އަހަރަކުވެސް މަސްވެރިންގެ ދުވަސް ފާހަގަކުރަނީ ކޮންމެ އަހަރެއްގެ ވެސް ޑިސެމްބަރ މަހުގެ 10 ވަނަ ދުވަހުއެވެ.