ފޮރިން މިނިސްޓަރ ޑރ. އަބްދުﷲ ޚަލީލް އޮމާނަށް ފުރާވަޑައިގެންފިއެވެ.

އެ މިނިސްޓްރީން ވިދާޅުވީ އެމަނިކުފާނުގެ މި ދަތުރުފުޅަކީ އެގައުމުގެ ފޮރިން މިނިސްޓަރ ސައްޔިދު ބަދުރު ބިން ޙަމަދު ބިން ޙަމޫދު އަލްބުސަޢީދީގެ ދައުވަތަކަށް ކުރައްވާ ރަސްމީ ދަތުރުފުޅެއް ކަމަށެވެ.

މި ޑިސެމްބަރ މަހުގެ 10 އިން 13 އަށް ކުރައްވާ މި ދަތުރުފުޅުގެ ތެރޭގައި އޮމާންގެ ފޮރިން މިނިސްޓަރާ ބައްދަލުކުރައްވައި، ދެ ގައުމުގެ ދެމެދުގައި އޮންނަ ގުޅުން އިތުރަށް ހަރުދަނާކުރެވޭނެ ގޮތްތަކާމެދު މަޝްވަރާކުރެއްވުމަށް ހަމަޖެހިފައިވާ ކަަމަށް ވެސް ވިދާޅުވެއެވެ.

މީގެއިތުރުން އޮމާން ސަރުކާރުގެ އިސްވެރިންނާ ވެސް ބައްދަލުކުރެއްވުމަށް ހަމަޖެހިފައިވާ ކަމަށާއި އެކި ދާއިރާތަކުން ގުޅުން ވަރުގަދަކުރުމުގެ ފުރުސަތުތަކާމެދު ވެސް މަޝްވަރާކުރައްވާނެ ކަމަށް ފޮރިން މިނިސްޓްރީން ވިދާޅުވެއެވެ.

ޑރ. ޚަލީލްގެ މި ދަތުރުފުޅުގައި ސެކްރެޓަރީ، ބައިލެޓަރަލް، ޑރ. ހާލާ ހަމީދާއި، ސީނިއަރ އަންޑަރ ސެކްރެޓަރީ ފާޠިމަތު ނަޢީމާ އަދި އެސިސްޓަންޓް ޑިރެކްޓަރ މުޙައްމަދު ޝުޖާޢު ބައިވެރިވެވަޑައިގަންނަވައެވެ.