ވީލްޗެއަރ އެސޯސިއޭޝަނާއި ވާސޯ މެޑިކަލް ސެންޓަރުން ހުޅުމާލެ ފޭސް2 ގެ ފުލުހުންނާ ބައްދަލުކޮށްފިއެވެ.

ޑިސެމްބަރ 10 ވަނަ ދުވަހު ބޭއްވި މި ބައްދަލުކުރުމުގައި ހާއްސައެހީއަށް ބޭނުންވާ ފަރާތްތަކަށް ހުޅުމާލެ ފޭސް2 ގައި ހިންގިދާނެ އެކި ހަރަކާތްތަކާ ގުޅޭގޮތުން ވަނީ މަޝްވަރާކޮށްފައެވެ.

ވީލްޗެއަރ އެސޯސިއޭޝަނާއި ވާސޯ މެޑިކަލް ސެންޓަރުން އިންތިޒާމުކުރާ ކޮންމެ ކަމެއްގައި، އެންމެގާތުން އެއްބާރުލުމާއި އެހީތެރިކަން ފޯރުކޮށްދޭން އަބަދުވެސް އަވަށްޓެރި ފުލުސް ތިބޭނެކަމުގެ ޔަގީންކަން ފުލުހުން ވަނީ ދެއްވާފައެވެ.

އެގޮތުން ޑަބްލިއުއޭއެމް (W.A.M) އާއި ވާސޯ މެޑިކަލް އިން ކުރިއަށްގެންދާ ރިމޯޓު މޮޓޯ ވީލްޗެއަރ ދުއްވަން ދަސްކޮށްދޭ ދެވަނަ ބުރު ކުރިއަށް ގެންދިއުމުގައި ވެސް އަވައްޓެރި ފުލުހުންގެ ފުރިހަމަ އެއްބާރުލުން ލިބޭނެކަމުގެ ޔަގީންކަން ވަނީ ދެއްވާފައެވެ.

މި ބައްދަލުކުރުމުގައި ބައިވެރިވީ ވީލްޗެއަރ އެސޯސިއޭޝަންގެ ޗެއަރޕާރސަން އަހްމަދު ނަޖީބާއި ވައިސް ޗެއަރޕާރސަން ޙައްވާ މިޒުނާއާއި ވާސޯ މެޑިކަލް ސެންޓަރުގެ އޯނަރ އަހްމަދު އަބްދުﷲ އާއި އެ ސެންޓަރުގެ ޑިސެބިލިޓީ ވެލްފެއަރ އެގްޒެކެޓިވް މެމްބަރު އަހްމަދު ޖާބިރުއެވެ.