"ސައިބަރ އެކްސްޕޯ 2024" ފަށައިފިއެވެ.

މިއީ އެންމެން ގުޅިގެން ރައްކާތެރި ޑިޖިޓަލް މާހައުލެއް ގާއިމުކުރުމާއި އާންމު ރައްޔިތުން ސައިބަރ ސެކިއުރިޓީއަށް އަހުލުވެރިކުރުވުމު ގޮތުން ބާއްވާ މި އެކްސްޕޯއެކެވެ. ޑިސެމްބަރ 11 ވީ ބުދަ ދުވަހުގެ ރޭ ހުޅުމާލެ ސެންޓްރަލް ޕާކުގައި ބޭއްވި ރަސްމިއްޔާތު ޝަރަފްވެރިކޮށްދެއްވައި، އެކްސްޕޯ ރަސްމީކޮށް ހުޅުއްވައިދެއްވީ ޑިފެންސް މުޙައްމަދު ޣައްސާން މައުމޫން އެވެ.

މި ރަސްމިއްޔާތުގައި ކޮމިޝަނަރ އޮފް ޕޮލިސް ޢަލީ ސުޖާޢު ވަނީ ސައިބަރ ކްރައިމްގެ ޝިކާރައަކަށްވެ، އަގުބޮޑެތި ގެއްލުންތަކެއްވަމުންދާކަން ފާހަގަކުރައްވާފައެވެ. އަދި ޑޭޓާތައް ގެއްލި ފޫނުބެއްދޭ ވަރުގެ ބޮޑެތި ގެއްލުންތައްވެ، އެކަމުގެ ސަބަބުން ދިރިއުޅުމުގައި ގިނަ ތަކުލީފުތަކެއް އުފުލަންޖެހިފައިވާކަން ވެސް ފާހަގަކުރެއްވިއެވެ.

ސީޕީ ވިދާޅުވީ މިކަން ހުއްޓުވުމަށްޓަކައި އެންމެ ގުޅިގެން އެކުގައި މަސައްކަތްކުރުމަށް އިހަށްވުރެ ބޮޑަށް މިއަދު މަސައްކަތްކުރަން ޖެހިފައިވާކަމަށެވެ. އެހެންކަމުން ސަރުކާރުގެ ވުޒާރާތަކާއި އަމިއްލު ކުންފުނިތަކާއި އެކި ޖަމްޢިއްޔާތަކާއި ތައުލީމާއި ތަރުބިއްޔަތު ދޭ މުއްސަސާތަކުގެ މެދުގައި އޮންނަ ގުޅުން މިހާރަށްވުރެ ވަރުގަދަ ކުރަންޖެހޭ ކަމަށް ވަނީ ވިދާޅުވެފައެވެ.

"މިއަދު ދިވެހި ރައްޔިތުންގެ އަމާޒަކަށް ވާންވީ ސައިބަރ ސެކިއުރިޓީގެ ދާއިރާއިން އައު ފަންނުވެރިން ތައާރަފްކޮށް، މިދާއިރާއަށް ލޯބިޖެއްސުން." ސީޕީ ވިދާޅުވިއެވެ.

މީގެއިތުރުން ސައިބަރ ސެކިއުރިޓީ އާއި ސައިބަރ ކްރައިމްގެ އެންމެހާ ކުށުގެ ބާވަތްތަކުން ރައްކާތެރިވާނެ ގޮތް ރައްޔިތުނަށް އަންގައިދީ އެކަމަށް ރައްޔިތުން އަހުލުވެރިކުރުވުމާއި ތުއްތު ޅަދަރިންނާއި އިސްރަށްވެހިން ސައިބަރ ކްރައިމްތަކުން ސަލާމަތްކުރުމަށް މަސައްކަތްކުރަންޖެހޭކަމަށް ވެސް ވިދާޅުވިއެވެ.