ހުޅުމާލޭ ހިޔާ ޓަވަރެއްގެ 13 ވަނަ ފަންގިފިލާއިން ވެއްޓުނު ކުއްޖަކު ނިޔާވެއްޖެއެވެ.

ދިވެހި ފުލުހުންގެ ހިދުމަތުން ވިދާޅުވީ ހުޅުމާލޭ ހިޔާ ޓަވަރު 5 އިން ކުއްޖަކު ވެއްޓިފައިވާކަމުގެ މައުލޫމާތު ލިބިފައިވާ ކަމަށެވެ.

ވެއްޓިފައިވަނީ އުމުރުން 16 އަހަރުގެ ދިވެހި ފިރިހެން ކުއްޖެއް ކަމަށާއި އެ ކުއްޖާ ވެއްޓިފައިވަނީ އެ ޓަވަރުގެ 13 ވަނަ ފަންގިފިލާ އިން ކަމަށް ވެސް ވިދާޅުވިއެވެ.

މީގެއިތުރުން އެ ކުއްޖާ ހޮސްޕިޓަލަށް ގެންދިޔައިރު ވެސް ނިޔާވެފައިވާކަމަށް ހުޅުމާލޭ ހޮސްޕިޓަލުން މައުލޫމާތު ދީފައިވާ ކަަމަށް ފުލުހުން ވިދާޅުވިއެވެ.

އެ އިދާރާ އިން ވިދާޅުވީ މި މައްސަލަ އިތުރަށް ތަހްގީގުކުރަމުން އަންނަކަމަށެވެ.