ހައުސިންގ މިނިސްޓްރީ ހުރި އިމާރާތުގައި ހިނގި އަލިފާނުގެ ހާދިސާގެ ސަބަބުން އަނދާދިޔަ ލިޔެކިޔުންތައް ރިކަވަރ ކުރެވޭނެކަމުގެ އުއްމީދެއް ނެތް ކަމުގައި ހައުސިންގ މިނިސްޓަރ ޑރ. ޢަލީ ހައިދަރު ވިދާޅުވެއްޖެއެވެ.

މިނިސްޓަރު ވިދާޅުވީ ހޯދެން ހުރި ހުރިހައި ގޮތަކުން، ލިއުންތައް އަލުން ރިކަވަރކުރުމުގެ މަސައްކަތް ކުރައްވާނެ ކަމަށެވެ. އަދި މިހާތަނަށް ހޯދިފައިވާ ލިއުންތަކަކީ ކޮބައިކަން ސީދާ ދަންނަވަން ނޭނގޭ ކަަމަށް ވިދާޅުވިއެވެ.

މީގެއިތުރުން ލިއުންތައް ހޯދުމަށް ނުވަތަ ރިކަވަރކުރަން ޑިސްކުތައް ރާއްޖެއިން ބޭރަށް ފޮނުވަންޖެހިދާނެކަމުގެ އިޝާރާތެއް ވެސް މިނިސްޓަރު ވަނީ ކުރައްވާފައެވެ.

ޑިސެމްބަރ 12 ވީ ބުރާސްފަތި ދުވަހު މ. ގްރީން ބިލްޑިންގ ގައި ހިނގި އަލިފާނުގެ ބޮޑު ހާދިސާގައި ތިން މިނިސްޓްރިއެއްގެ މަސައްކަތްތައް މިހާރުވަނީ ވަގުތީގޮތުން ދަރުބާރުގެއަށް ބަދަލުކޮށްފައެވެ.