ހދ. ކުރިނބީ އަންހެނުންގެ ތަރައްގީއަށް މަސައްކަތްކުރާ ކޮމިޓީ އަށް މެންބަރަކު އިންތިހާބު ކުރުމުގެ ބައި-އިލެކްޝަން މިއަދު ފަށައިގެން ކުރިއަށް އެބަދެއެވެ.

އިލެކްޝަންސް ކޮމިޝަން (އީސީ) އިން ހާމަކުރައްވާފައިވާ ގޮތުގައި މިއަދު މެންދުރު 11 ޖެހުމާއި ހަމައަށް ވޯޓުލާފައިވަނީ 104 މީހުންނެވެ. އެއީ 62 އަންހެނުންނާއި 42 ފިރިހެނުންނެވެ. މިއީ 18..64 އިންސައްތައެވެ.

އެ ކޮމިޝަންގެ މައުލޫމާތަށް ބަލާއިރު، މި ބައި-އިލެކްޝަންގައި ވޯޓުލުމުގެ ހައްގު ލިބިފައިވާ 558 މީހުން ތިބިއިރު، އެއީ 260 އަންހެނުންނާއި 298 ފިރިހެނުންނެވެ.

މި ބައި-އިލެކްޝަންގެ ވޯޓުލުން މިއަދު ހެނދުނު 8 ން ހަވީރު 4 ޖެހުމާއި ހަމަައަށް ކުރިއަށްދާއިރު، ވޯޓުލުމަށް މާލެއާއި ކުރިނބީގައި ދެ ވޯޓު ފޮށި ވަނީ ބަހައްޓާފައެވެ. މާލޭގެ ވޯޓު ފޮށި ބަހައްޓާފައިވަނީ އައު ދަރުމަވަންތަ ސްކޫލްގެ ދެކުނު އިމާރާތުގެ ގްރައުންޑް ފްލޯގެ ކްލާސް ރޫމް 7އޭ ގައެވެ. އަދި ކުރިނބީގައި ވޯޓުފޮށި ބަހައްޓާފައިވަނީ ކުރިނބީ ސްކޫލް ހޯލުގައެވެ.