ރާއްޖެއަށް މިހާރުކުރަމުންދާ ވިއްސާރައިގެ ސަބަބުން އުދަ އަރާފާނެކަމަށް ލަފާކޮށް ދުރާލާ ތައްތާރުވުމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން އިލްތިމާސްކޮށްފިއެވެ.

އެ އިދާރާ އިން މިފަދައިން އިލްތިމާސްކުރީ އައު އަހަރު ބަންދުގައި މޫސުން ގޯސްވެ، ކުރިއަށް އޮތް ހަތަރު ދުވަހު ވެސް ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް މޫސުމާއިބެހޭ ގައުމީ އިދާރާ އިން ލަފާކުރައްވާފައިވާތީއެވެ.

އެހެންކަމުން އެންޑީއެމްއޭ އިން ވަނީ ފެންބޮޑުވެގެން ލިބިދާނޭ ގެއްލުން ކުޑަކުރުމަށް ދުރައިލާ ފިޔަވަޅު އެޅުމަށް ވެސް އެދިލައްވާފައެވެ. އަދި ގޭތެރެއަށް ފެން ވަނުމުގެ ސަބަބުން ލިބިދާނޭ ގެއްލުން ކުޑަކުރުމަށް ދުރައިލާ ތައްޔާރުވުމަށް އެދިލައްވައެވެ.

މީގެއިތުރުން ގޭތެރޭގައި ފެންބޮޑުވެއްޖެ ހާލަތެއްގައި ގެއްލުންވެދާނެ ފަދަ މުދަލާއި ތަކެތި ފެނުގެ އަސަރު ނުފޯރާނެ ފަދަ ތަނަކަށް ބަދަލުކުރުމަށާއި ހާއްސަކޮށް އިލެކްޓްރޯނިކް ސާމާނު ބޭނުން ނުކުރާނަމަ ނިންވާލުމަށް ވަނީ އިލްތިމާސްކުރައްވާފައެވެ.