ރާއްޖެއަށް މިހާރުކުރަމުން ދާ ވިއްސާރައިގާ ހިދުމަތަށް ބުރޫ ނާރާނެގޮތަށް އެއްބާރުލުން ދިނުމަށް ވެމްކޯ އިން އެދިއްޖެއެވެ.

އެ ކުންފުނިން ނެރުނު ބަޔާނެއްގައި ވަނީ ވިއްސާރައިގެ ސަބަބުން ދިމާވާ ދަތިތަކާއެކު ވެސް ބުރޫނާރާނެގޮތަށް ހިދުމަތް ފޯރުކޮށްދިނުމަށް މަސައްކަތް ކުރަމުން އަންނަކަމަށެވެ. އެހެންކަމުން ގޭބިސީތަކުންނާއި ވިޔަފާރިތަކުން ކުނި ނެރުމުގައި ހާއްސަ ސަމާލުކަމެއް ދިނުމަށް ވަނީ އެދިފައެވެ.

އެގޮތުން ކުނި ނެރުމަށް ކަނޑައަޅާފައިވާ ގަޑިތަކުގައި ފަސޭހައިން ކުނި ނެގޭނެގޮތަށް ބެހެއްޓުމަށާއި މަގުމައްޗަށް ކުނި ނުނެރުމަށް ވަނީ އެދިފައެވެ.

މީގެއިތުރުން ކުނި ނެނެގި ހުރިނަމަ، ހޮޓްލައިން 1666 އަށް ގުޅައި އެކަންރިޕޯޓު ކުރުމަށް ވެސް ވަނީ ވެމްކޯ އިން އެދިފައެވެ.

ހަމަމިއާއެކު ޓްރާންސްފަރ ސްޓޭޝަންތަކުގައި ހިދުމަތް ހޯދާއިރު، އެންމެހައި ފަރާތްތަކުގެ ސަލާމަތާއި ރައްކާތެރިކަން ކަށަވަރުކުރުމަށް އެ ކޯޕަރޭޝަންގެ މުވައްޒަފުންގެ އިރުޝާދަށް ސަމާލުވުމަށް އިލްތިމާސް ކުރައްވައެވެ.

މިފަދަ ހާލަތްތަކުގައި ދިމާވާ ދަތިތަކަށް ނިހާޔަތަށް މައާފަށް އެދި، މިހެން ދިމާވާ ކޮންމެ ހާލަތެއްގައި ވެސް ރައްޔިތުންގެ ފަރާތުން ލިބޭ އެއްބާރުލުމަށް ވަނީ ޝުކުރު އަދާކުރައްވާފައެވެ.