ގދ. ތިނަދޫ ސިޓީގައި އިހްތިޖާޖުކޮށްފިއެވެ.

'އޮއިވަރު' އަށް މައުލޫމާތު ލިބިފައިވާ ގޮތުގައި އެސިޓީގެ ގާތްގަޑަކަށް 15 ވަރަކަށް މީހުން ޖަނަވަރީ 5 ވަނަ ދުވަު މެންދުރު އިހްތިޖާޖުކުރީ އެސިޓީގެ މޭޔަރު ސައުދު އަލީ އާ ދެކޮޅަށެވެ. އަދި މިއީ އެ ސިޓީގެ ހިއްކި ސަރަހައްދުން މޭޔަރުގެ ނުފޫޒުން ވަރަށް ހެޔޮ އަގުގައި ބިމެއް ވިއްކުމާއި ގުޅިގެން ކުރި އިހްތިޖާޖެއް ކަމަށް ވެސް މައުލޫމާތު ލިބެއެވެ.

މީގެއިތުރުން ފާލަން ނުނިމި ލަސްވާތީއާއި ފްލެޓްތަކަށް ފެން ނުލިބުމާއި ފްލެޓްތައް ނުހައްގުން ދިން ކަމަށްބުނެ އެކަމުގެ ކަންބޮޑުވުން ވެސް އިހްތިޖާޖުގެ ބައިވެރިން ފާޅުކޮށްފައެވެ.

ކައުންސިލު އިދާރާ ދޮށުގައި އެފަރާތްތަކުން އިހްތިޖާޖުކުރަން ފެށުމުން މޭޔަރު ސައުދު އަލީ ވަނީ ނުކުމެވަޑައިގެން އިހްތްިޖާޖުގެ ބައިވެރިންނާ ބައްދަލުކުރައްވައި، ވާހަކަ ދައްކަވާފައެވެ. އަދި އެމީހުންނާއެކު ސެލްފީއެއް ވެސް ވަނީ ނަންގަވާފައެވެ.