ހުޅުމާލޭ ސަހަރާގައި އަނެއްކާވެސް ފެންބޮޑުވާތީ މައްޔިތުން ވަޅުލުން މެދުކަނޑާލައިފިއެވެ.

މާލެ ސިޓީ ކައުންސިލުން ވިދާޅުވީ މި ވަގުތު މާލެ ސަރަހައްދަށް ކުރަމުންދާ ވިއްސާރައާއި ގުޅިގެން، ހުޅުމާލެ ސަހަރާގެ ފެންފަށަލައިގައި، 8 އިންޗި އާއި 9 އިންޗިއާއި ދެމެދު މިންވަރަކަށް، ފެން ހަރުލާފައި ހުރުމުގެ ސަބަބުން، ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާ ކަމަށެވެ.

އެހެންވެ، މި ވަގުތަށް ހުޅުމާލެ ސަހަރާގައި މީހުން ވަޅުލެވެން ނެތް ކަމަށާއި މިގޮތަށް ދިމާވުމުން، މިއަދު ހުޅުމާލެ ސަހަރާގައި ވަޅުލަން ހަމަޖެހިފައިވާ މީހުންގެ ޖަނާޒާގެ އިންތިޒާމް މާލޭ އާސަހަރާ މިސްކިތުގައި ހަމަޖައްސާފައިވާ ކަމަށް ވެސް ސިޓީ ކައުންސިލުން ވިދާޅުވެއެވެ.

މި ވަގުތު މާލެ ސަރަހައްދަށް ކުރަމުންދާ ވިއްސާރައާއި ގުޅިގެން، ހުޅުމާލެ ސަހަރާގެ ފެންފަށަލައިގައި، 8 އިންޗި އާއި 9 އިންޗިއާއި ދެމެދު މިންވަރަކަށް، ފެން ހަރުލާފައި ހުރިމުގެ ސަބަބުން، ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާތީ، pic.twitter.com/2oBic6IWc8

— Malé City Council (@MaleCitymv) January 7, 2025

ހުޅުމާލެ ސަހަރާގައި ވިއްސާރަ ދުވަސްވަރު ހިނަވާގެއާއި ސަހަރާގައި ފެންބޮޑުވާ މައްސަލައާއި ވަޅުނުލެވޭ މައްސަލަ ފައިބެއަހަރު ވެސް ދިމާވެ، އެކަން ހައްލުކުރުމަށް ސަހަރާގައި ފެންހިންދާ ނިޒާމު ގާއިމުކޮށް، ސަހަރާއަށް ދޮޅުފޫޓަށް ވަނީ ވެލި އަޅާފައެވެ. އެދުވަސްވަރަކީ މާލޭގެ އާސަރަހާ (މަސްޖިދު ތައާވުން) މަރާމާތަަށް ބަންދުކޮށްފައިވާ ދުވަސްވަރެވެ.

ހުޅުމާލެ ސަހަރާ އަށް ދިމާވެފައިވާ މި މައްސަލައަށް ދާއިމީ ހައްލެއް ހޯދުމަށް އެ ސަހަރާގައި ފެން ހިންދާ ނިޒާމެއް ގާއިމުކުރުމަށާއި ފާޚާނާ ބަރިއަކާއި ވުޟޫ ކުރުމަށް ހާއްސަ ސަރަހައްދަކާއި ތުއްތު ކުދިން ގޮވައިގެން އުޅޭ މީހުންނަށް ލުއިފަސޭހަކުރުމަށް ބޭބީ ކެއަރ ރޫމެއް ވަނީ ހަދާފައެވެ. އެއީ ސަހަރާ މިސްކިތާއި ވަކިން، ކަށު ނަމާދާއި ޖަނާޒާގެ ކަންކަމުގައި ބައިވެރިވުމަށް އަންނަ މީހުންނަށް ހާއްސަކޮށް، އަންހެނުންނަށް 2 ފާޚާނާއާއި ފިރިހެނުންނަށް 2 ފާޚާނާއެވެ.

މީގެއިތުރުން މޫނު ބެލުމާއި ކަށުނަމާދަށް ފުރޮޅުލީ ގޮނޑީގައި އަންނަ މީހުންނަށް ފަސޭހައިން ބައިވެރިވެވޭގޮތަށް، ވީލް ޗެއަރ އެކްސެސް ވެވޭނެ ގޮތަށް ވެސް ވަނީ ފަރުމާކޮށްފައެވެ.