ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) އިން ބޭއްވުމަށް ނިންމާފައިވާ ކާބޯތަކެތީގެ މައުރަޒުގައި ބައިވެރިވުމުގެ ފުރުސަތު ހުޅުވާލައިފިއެވެ.

މިއީ ކާބޯތަކެތި އުފައްދާ ފަރާތްތަކުގެ ހުނަރުތައް އާންމުންނަށް ދައްކައިލުމަށް އަމާޒުކޮށް "ފަހި ސުފުރާ" ނަމުގައި އެމްއެންޔޫ އިން އިންތިޒާމްކޮށްގެން ކުރިއަށްގެންދިޔުމަށް ހަމަޖެހިފައިވާ މައުރަޒެކެވެ. ތަފާތު ވައްތަރުގެ ކާބޯތަކެތި ތައްޔާރުކުރާ އެކި ފަރާތްތަކަށް މި މައުރަޒުގައި އެއްވެސް އަގަކާއި ނުލައި މުޅިން ހިލޭ ބައިވެރިވުމަށް ވަނީ ހުޅުވާލެވިފައެވެ.

އެމްއެންޔޫގެ އިދާރީ މަރުކަޒުގައި ކުރިއަށްގެންދިޔުމަށް ހަމަޖެހިފައިވާ މި މައުރަޒު ބޭއްވުމަށް ތާވަލުކޮށްފައިވަނީ އަންނަ ފެބްރުއަރީ މަހުގެ 13 އަދި 14 ވާ ދުވަހުގެ މެންދުރު 11 ން ރޭގަނޑު 10 ޖަހަންދެންނެވެ.

މި މައުރަޒުގައި ބައިވެރިވުމުގެ ސުންގަޑި އަކީ މި ހިނގާ ޖަނަވަރީ މަހުގެ 30 ވާ ބުރާސްފަތި ދުވަހުގެ ރޭ 11 ޖެހުމާއި ހަމައަށެވެ.

މި މައުރަޒުގައި ބައިވެރިވުމަށް: https://bit.ly/3BWPUvN