މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއަރ އޮޕަރޭޓަރސް (މަޓާޓޯ) ގެ އަހަރީ އާންމު ޖަލްސާ މިރޭ އޮންނާނެެވެ.

މި ޖަލްސާގައި ކުރިއަށް އޮތް ދެ އަހަރަށް މަޓާޓޯގެ އެކްޒެކެޓިވް ބޯޑު މެމްބަރުކަމަށް މެމްބަރުން ހޮވުމަށް ނިންމާފައިވާއިރު، އޭގެތެރޭގައި ރައީސް އާއި ދެ ނައިބު ރައީސުންނާއި ސެކްރެޓަރީ ޖެނެރަލް އާއި ޓްރެޝަރަރ އަދި އާންމު ފަސް މެމްބަރުން ހޮވުމަށް ވަނީ ނިންމާފައެވެ.

މެންހަޓަން ބިޒްބެސް ހޮޓެލްގައި މިރޭ 8 ޖަހާއިރު، ބާއްވާ މި ޖަލްސާ އަށް ވަޑައިގަނެވޭނީ ކުރިން ރެޖިސްޓްރީކުރާ ފަރާތްތަކަށެވެ. އަދި އެފަރާތްތަައް ރަޖިސްޓްރީވުމަށް ޖަނަވަރީ މަހުގެ 5 ވަނަ ދުވަހުގެ ރޭ 11:59 އަށް ވަނީ މުހުލަތު ދީފައެވެ.

ވޯޓުލުމުގެ ކަންކަން ކުރިއަށްގެންދާނީ ޖަލްސާއަށް ހާޟިރުވާ މެމްބަރުންގެ މެދުގައި ނަގާ ކޮމެޓީއަކުންނެވެ.