ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ޑެޕިއުޓީ މެނޭޖިންގ ޑިރެކްޓަރގެ މަގާމަށް ފަޔާޒު މަންސޫރު އައްޔަނު ކޮށްފިއެވެ.

ބައެއް މަސްދަރުތަކުން ބުނާ ގޮތުގައި އޭނާ އެ މަގާމަށް އައްޔަންކުރީ ފައިބެއަހަރުގެ ޑިސެމްބަރު މަހު 26 ގައެވެ.

ފަޔާޒަކީ މި ސަރުކާރުގައި އެޗްޑީސީގެ އެ މަގާމަށް ހަމަޖެއްސި ފުރަތަމަ ބޭފުޅާ އެވެ. އެންމެ ފަހުން އެ މަގާމުގައި ހުންނެވީ އަހުމަދު ގައިސް އެވެ.

އެޗްޑީސީގެ ޑީއެމްޑީގެ މަގާމު މީގެކުރިން ވެސް އަދާކުރައްވާފައިވާ ފަޔާޒު މި މަގާމަށް އައްޔަންކުރުމުގެ ކުރިން ހުންނެވީ ގެޑޯ ކޮންސަލްޓަންގ ނަމަކަށް ކިޔާ ޑިޒައިން ކުންފުންޏެއްގެ ޑިރެކްޓަރެއްގެ މަގާމެއްގައެވެ.

އިސްވެރިން ހިމެނޭހެން އެޗްޑީސީގެ މުވއްޒަފުންތަކެއް މިފަހުންވަނީ ސަސްޕެންޑުކޮށްފައެވެ. އެއީ އެމްޑިޕީ ސަރުކާރުން ފަށާފައިވާ 'ބިންވެރިޔާ' ސްކީމާ ބެހޭ ބޮޑު ކޮރަޕްޝަންގެ މައްސަލައެއް ފެންމަތިވުމުންނެވެ.

އެ މައްސަލަ ފުލުހުންނާއި އޭސީސީން މިހާރުގެންދަނީ ތަހުގީގުކުރަމުންނެވެ.