ރާއްޖޭގެ ލެޖެންޑަރީ އެކްޓަރ އަދި މޯލްޑިވްސް ސޮސައިޓީ ފޯރ ޕާރފޯމިންގ އާޓްސް (އެމްއެސްޕީއޭ) ގެ ފައުންޑަރ މުޙައްމަދު ރަޝީދު (ދަރާ ރަޝީދު) ވައިބަރ ހެކްކޮށްފިއެވެ.

'އޮއިވަރު' އަށް ރަޝީދު ވިދާޅުވީ އޭނާގެ ވައިބަރ ނަމްބަރު ހެކްކޮށްގެން، އޭނާގެ ނަމުގައި މީހުންނަށް މެސެޖު ކުރަމުން އަންނަކަމަށެވެ. އަދި ފައިސާ ހޯދުމަށް އެދެމުން އަންނަކަމަށެވެ.

މީގެއިތުރުން މިފަދަ މެސެޖެއް ލިބިއްޖެނަމަ، އެއަށް ޖަވާބު ނުދިނުމަށާއި އެއ ްވެސް ފަރާތަކުން ފައިސާގެ އެހީތެރިކަމަށް އޭނާ އެދެން އަދިނުޖެހޭ ކަމަށް ވެސް ވިދާޅުވިއެވެ. އަދި އެ މެސެޖުތަކަކީ އޭނާ ފޮނުވާ މެސެޖުތަކެއް ނޫން ކަމަށް ވިދާޅުވިއެވެ.

ދޭތެރެދޭތެރެއިން ސްކޭމް ކޯލުތަކާއި މެސެޖުތައް ދަނީ އެކި ފަރާތްތަކަށް ފޮނުވަމުންނެވެ. އަދި މިފަދަ މެސެޖުތަކާއި ކޯލުތައް ގިނައިން އަންނަނީ ރާއްޖޭގެ ޖަލުތަކުން ކަަމަށް ގިނަ ބަޔަކު ތުހުމަތުކުރަމުން އަންނައިރު، ކަމާއިގުޅުންހުރި ފަރާތްތަކުން ގެންދަނީ އެކަން ހުއްޓުވުމަށް ފިޔަވަޅުތައް ވެސް އަޅަމުންނެވެ.