ގާނޫނު އަސާސީގައި މުއައްސަސާތައް އެކަށައަޅުއްވާފައިވަނީ ރައީސުލްޖުމްހޫރިއްޔާ އަށް ވައްކަން ކޮށްދޭން ނޫން ކަމުގައި ދަ ޑިމިކްރެޓްސްގެ ނައިބު ރައީސް މުހައްމަދު ޝިފާޒު (ޝިއްޕެ) ވިދާޅުވެއްޖެއެވެ.

ޝިއްޕެ މިފަދައިން ވިދާޅުވެފައި މިވަނީ އެމްޑީޕީގެ މަނަދޫ ދާއިރާގެ ރައީސް މުހައްމަދު ތާރިގު (މަނަދޫ ތޯރިގު) އަށް ނޭނގި އޭނާ ޕީއެންސީ އަށް ވައްދާފައިވާ މައްސަލާގައި 'އެކްސް' ގައި ކުރެއްވި ޕޯސްޓެއްގައެވެ.

ތާރިގު މިހާރުވަނީ އޭނާ އަށް ނޭނގި، އޭނާ ޕީއެންސީ އަށް ވެއްދި މައްސަލަ ބަލއިދިނުމަށް ޕޮލިސް ކޮމިޝަނަރަށް ސިޓީއެއް ފޮނުވާފައެވެ. އެ ސިޓީ ފޮނުވާފައިވަނީ މިދިޔަ ޑިސެންބަރު 26 ވަނަ ދުވަހުއެވެ.

މީގެއިތުރުން އޭނާ ވަނީ ޕީއެންސީއަށް އޭނާ ވެއްދުމަށް އިލެކްޝަންސް ކޮމިޝަނަށް ހުށަހަޅާފައިވާ ފޯމް އެތަނުން ހޯދައި މީސްމީޑިއާގައި ވެސް އާންމުކޮށްފައެވެ.

ކަނޑައެޅިގެން އަޅުގަނޑުގެ ފޮޓޯ ނޫންކަން އެނގޭވަރު ތަފާތު އެހެން މީހެއްގެ ފޮޓޯ ޖަހާފައި، ކިރިޔާ ބަލާލިޔަސް އަޅުގަނޑުގެ ސޮއި ނޫންކަން އެނގޭވަރު ތަފާތު ސޮޔެއް ކޮށްފައި، އަޅުގަނޑުގެ މަންމަގެ މައުލޫމާތުވެސް ގޯސްކޮށް ލިޔެފައި، ކޮންމެވެސް މީހެއްގެ ފިންގަރ ޕްރިންޓު ޖަހާފައި އަޅުގަނޑުގެ… pic.twitter.com/YUfrn5ZRs8

— Mohamed Thoriq (@ManadhooThoriq) January 5, 2025

މިކަމާ ގުޅިގެން ޝިފާޒު ކުރެއްވި ޕޯސްޓުގައި ވަނީ ޑިމޮކްރަސީގެ މި ނިޒާމް ކަށަވަރު ކޮށްދިން މުސްތަގިއްލު މުއައްސަސާތަކުގެ އިތުބާރު އުފެއްދުމަށް ފުލުހުންގެ ދައުރު ވަރަށްބޮޑު ކަމަށެވެ.