ޓޫރިސްޓު ވިސާގައި އައިސް ވިޔަފާރިކުރި ދެ ބިދޭސީން އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.

މޯލްޑިވްސް އިމިގްރޭޝަނުން ވިދާޅުވީ އެ އިދާރާގެ ބެލުމުގެ ދަށަށް މިފަހަރު ގެންދިޔައީ ސީރިޔާ އަދި ޖޯޑަން އަށް ނިސްބަތްވާ ދެ މީހުން ކަމަށެވެ. އެމީހުންނަކީ ޓޫރިސްޓު ވިސާގައި ރާއްޖެއަށް އެތެރެވެ، ވިޔަފާރި ހިންގަމުންދިޔަ ދެ މީހުން ކަމަށެވެ.

އެގޮތުން އިމިގްރޭޝަންގެ ބެލުމުގެ ދަށަށް ގެންގޮސްފައިވަނީ ސީރިއާއަށް ނިސްބަތްވާ އުމުރުން 19 އީމާން ކަރަމަން އާއި ޖޯޑަންއަށް ނިސްބަތްވާ އުމުރުން 24 އަހަރުގެ ރާބީ ހައިތަމް އަހްމަދު ޖުމާހް ކަމަށް ވިދާޅުވެއެވެ.

މިއީ އާންމުން ހުށަހެޅި ކަންބޮޑުވުންތަކާއި ގުޅިގެން ބެލި ބެލުމުން ފާހަގަވި ދެމީހުން ކަމަށާއި އެ ދެމީހުން ޑީޕޯޓް ކުރުމުގެ މަސައްކަތް ކުރަމުންދާ ކަމަށް ވަނީ ހާމަކުރައްވާފައެވެ.