މޯލްޑިވްސް ކަސްޓަމްސް އޮފިސަރުންތަކެއްގެ މައްޗަށް ބޮޑު ތުހުމަތުތަކެއް ކުރެވި، މައްސަލަތަކެއް ތަހުގީގު ކުރަމުންދާ ކަމަށް ދިވެހި ފުލުހުންގެ ހިދުމަތުން ވިދާޅުވެއްޖެއެވެ.

އެ އިދާރާ އިން ވިދާޅުވީ ކަސްޓަމްސްގެ މުވައްޒަފުންތަކަށް ތުހުމަތު ކުރެވޭ މަނީ ލޯންޑަރިން، ހިޔާނާތް އަދި ރިޝްވަތުގެ މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށެވެ. އަދި އެ މައްސަލަ ބަލަން ފަށާފައިވާ ކަމަށެވެ.

ބައެއް މަސްދަރުތަކުން ބުނެފައިވަނީ ކަސްޓަމްސްގެ ބައެއް އޮފިސަރުންގެ އެކައުންޓަށް 400 މިލިއަން ރުފިޔާ ދައުރުވެފައިވާ ކަމަށެވެ. އަދި އެ މައްސަލައިގާ 20 އޮފިސަރަކު ބައިވެރިވާކަމަށް ވެސް މައުލޫމާތު ލިބެއެވެ.

މި ޖަރީމާގައި ފައިސާ ހޯދާފައިވަނީ ޑިއުޓީ އޮޅުވާލައިގެންނާއި ކަސްޓަމްސް އިން ދޭ އެހެނިހެން ހިދުމަތްތަކުގެ ތެރެއިން ކަމަށް ރާއްޖޭގެ ބައެއް ނޫސްތަކުގައި ބުނެފައި ވެއެވެ. އަދި އޭގެ ތެރޭގައި ކަސްޓަމްސްގެ ސީނިއަރ ބައެއް މުވައްޒަފުން ވެސް ހިމެނޭކަމަށް ބުނެއެވެ.