ހާއްސަ އެހީއަށް ބޭނުންވާ ދަރިވަރަކަށް ޓީޗަރަކު އަނިޔާކުރި މައްސަލައެއް ދިވެހި ފުލުހުންގެ ހިދުމަތުން ބަލަން ފަށައިފިއެވެ.

ފުލުހުން ވިދާޅުވީ މި މައްސަލަ އެ އިދާރާ އަށް ހުށަހެޅީ އެޑިއުކޭޝަން މިނިސްޓްރީން ކަަމަށެވެ. އަދި އެ މައްސަލަ ހުށަހަޅާފައިވަނީ މިއަދު ކަމަށެވެ.

މިއީ މާލެ ސަރަހައްދުގެ ސްކޫލެއްގެ ޕްރައިމަރީ ގްރޭޑްގެ ހާއްސަ އެހީ އަށް ބޭނުންވާ ކުއްޖަކަށް ޖިސްމާނީ އަނިޔާ ކުރިކަމަށް ސްކޫލްގެ ފަރާތުން މިނިސްޓްރީގެ ސަމާލު ކަމަށް އައުމުން ފުލުހުންނަށް ހުށަހެޅި މައްސަލައެކެވެ.

އެހެެންނަމަވެސް އެކަމުގެ އިތުރު ތަފްސީލެއް އެއްވެސް އިދާރާއަކުން އަދިހާމައެއް ނުކުރެއެވެ.

ފުލުހުން ގެންދަނީ މިމައްސަލަ ތަހުގީގު ކުރަމުންނެވެ.