އޭޑީކޭ ގްރޫޕްސް އޮފް ކޮމްޕެނީގެ ޓީމުތަކަށް ހުޅުވާލައިގެން ބާއްވާ ހޭންޑްބޯލް މުބާރާތް މާދަމާ ހެނދުނު ފަށާނެއެވެ.

އޭޑީކޭ ސިނަރޖީން އިންތިޒާމުކޮށްގެން ބާއްވާ މި މުބާރާތުގެ ފުރަތަމަ މެޗުގައި ހެނދުނު 7 ޖަހާއިރު، ބައްދަލުކުރާނީ ތަންޑަރބޯލްޓްްސް އާއި އެޓެކްސިއާ އެވެ. ދެވަނަ މެޗު 7:40 ގައި ފަށާއިރު ބައްދަލުކުރާނީ ފިސާރި އާއި ސީއާރްޑީ އެވެ.

އެއްދުވަހުގެ މުއްދަތަށް ކުރިއަށްދާ މި މުބާރާތުގެ ތިންވަނަ މެޗުގައި 8:20 ގައި ކްރެކަރސް އާއި ތަންޑަރބޯލްސްޓްސް ބައްދަލުކުރާއިރު، 9 ޖަހާއިރު ކުޅޭނީ އެޓެކްސިއާ އާއި ފިސާރި އެވެ. އަދި ހެނދުނުގެ ދަންފަޅީގެ ފަހު މެޗުގައި ބައްދަލުކުރާނީ ސީއާރްޑީ އާއި ކްރެކަރސްއެވެ.

މެންދުރުފަހުގެ ދަންފަޅީގެ ކުޅުން 2:30 ގައި ފަށާނީ ތަންޑަރބޯލްޓްސް އާއި ފިސާރި ގެ މެޗުންނެވެ. އަދި 3:10 ގައި އެޓެކްސިއާ އާއި ކްރެކަރސް ވާދަކުރާއިރު، 3:50 ގައި ސީއާރްޑި އާއި ތަންޑަރބޯލްޓްސް ބައްދަލުކުރާނެއެވެ.

މީގެއިތުރުން ފިސާރި އާއި ކްރެކަރސް ބައްދަލުކުރާ މެޗު 4:30 ގައި އޮންނައިރު، ގުރޫޕު ސްްޓޭޖުގެ ފަހުމެޗުގައި ހަވީރު 5:10 ގައި ވާދަކުރާނީ އެޓެކްސިއާ އާއި ސީއާރްޑީ އެވެ.

މިއީ އޭޑީކޭ ގްރޫޕްސް އޮފް ކޮމްޕެނީގައި ހިމެނޭ ހުރިހައި ޑިޕާޓްމެންޓުތަކުގެ މުވައްޒަފުންގެ މެދުގައި އެކުވެރިކަމާއި އެއްބައިވަންތަކަން އުފައްދައި، ދުޅަހެޔޮ ސިއްހަތަކަށް މަގުފަހިކޮށްދިނުމަށް ބާއްވާ މުބާރާތެކެވެ.

މީގެއިތުުރުން އެކި ޑިޕާޓްމެންޓުތަކުގައި ވަޒީފާ އަދާކުރާ އެންމެން އެއްތާކުން ބައްދަލުވެ، އުފާވެރި ވަގުތުކޮޅެއް ހޭދަކޮށްލުގެ ފުރުސަތު ދިނުމަކީ ވެސް މި މުބާރާތް ބޭއްވުމުގެ މަގްސަދެކެވެ.