އުރީދޫ މޯލްޑިވްސް އިން ބާއްވާ 'އުރީދޫ ފަން ރަން 2024' ގެ ރީޖަނަލް އެޑިޝަން ހައްދުންމަތީގައި މިއަދު ހަވީރު އޮންނާނެއެވެ.

މިއީ ރާއްޖޭގައި ބާއްވާ މިފަދަ އެންމެބޮޑު އަދި އެންމެ އުފާވެރި، މަޖާ އެއް ދުވުމެވެ.

ފަން ރަންގެ އެންމެ ބޮޑު އަމާޒަކީ މުޖުތަމައުގެ ފަރުދުން އެއްތަނަކަށް ގެނައުން ކަމަށް އެ ކުންފުނިން ވިދާޅުވެއެވެ. އަދި މިއީ ފިޓްނަސްއާ ބެހޭ އިވެންޓެއް ނޫން ކަމަށާއި ދިރިއުޅުމުގެ ސަގާފަތާއި އެއްބައިވަންތަކަން އާލާކުރުމުގެ ހަރަކާތެއް ކަމަށް ވެސް ވިދާޅުވެއެވެ.

އުރީދޫ ފަން ރަން އަކީ ހުރިހާ އުމުރެއްގެ ދުވުންތެރިން ބައިވެރިވާ، ދުޅަހެޔޮ ސިއްހަތެއް ޕްރޮމޯޓް ކުރުމާއި މުޖުތަމައުގެ އެއްބައިވަންތަކަމާއި އުފާވެރިކަން ފާހަގަކުރާ ދުވުމެކެވެ.

މިއަހަރުގެ ދުވުމުގައި ރައްޔިތުންގެ މަޖިކީހުގެ ރައީސް އާއިި ދައުލަތުގެ ބައެއް ވަޒީރުންނާއި ކުންފުނިތަކުގެ އިސްވެރިން ވެސް ބައިވެރިވެވަޑައިގަންނަވާނެއެވެ.