ކެބިނެޓް އެކުލަވާލުމުގައި ރައީސް ޑރ. މުހައްމަދު މުއިއްޒު ވަނީ ފެއިލް ވެފައި ކަަމުގައި ކުރީގެ ރައީސް ޔާމީން އަބްދުލްގައްޔޫމު ވިދާޅުވެއްޖެއެވެ.

ޕީއެންއެފް އިން ބޭއްވި 'ދަ ފްރަންޓް އޮފީސް' ޖަލްސާގައި ވާހަކަފުޅު ދައްކަވަމުން އެމަނިކުފާނު ވަނީ ރައްޔިތުން ގަބޫލުކުރާނެ، އިލްމީ ގާބިލް ކެބިނެޓެއް އެކުލަވާލާނެ ކަމަށް ރިޔާސީ އިންތިޚާބްގެ ކެމްޕެއިން ދުވަސްވަރު ރައީސް މުއިއްޒު ވިދާޅުވި ކަމަށެވެ.

އެހެންނަމަވެސް މިއަދު އެ ކެބިނަޓަކުން އެ މަންޒަރު ނުފެންނަ ކަމަށާއި އޭގެބަދަލުގައި ފެންނަނީ އެ ކެބިނެޓްގައި ހުސް މުޖުރިމުން ތިބި މަންޒަރުކަމަށް ވެސް ރައީސް ޔާމީން ވަނީ ވިދާޅުވެފައެވެ.

ކަންމިހެން ހުރިއިރު، ރައްޔިތުންނާ ރައީސް މުއިއްޒު ކުރިމަތިލައްވާނީ ކިހިނަކުންތޯ ވެސް ރައީސް ޔާމީން ސުވާލުކުރައްވާފައެވެ.