ދެ ލޯންޗު ޖެހި އެކްސިޑެންޓެއް ހިނގައި 4 މީހަަކަށް އަނިޔާވެއްޖެއެވެ.

ދިވެހި ފުލުހުންގެ ހިދުމަތުން ވިދާޅުވީ މި ހާދިސާ ހިނގާފައިވަނީ ގުޅީފަޅު ކައިރީގައި ކަމަށެވެ. އަދި އެކަމުގެ ރިޕޯޓު ލިބިފައިވަނީ އޮކްޓޯބަރ 25 ވަނަ ދުވަހުގެ ރޭ 7:39 ގައި ކަމަށެވެ.

އެ ހާދިސާގައި 12 މީހަކަށް އަނިޔާވެގެން އައިޖީއެމްއެޗަށް ގެންގޮސްފައިވާ ކަމަށާއި އެއްވެސް މީހެއްގެ ހާޅު ސީރިއަސް ނޫން ކަމަށެވެ. އަދި އެ ސަރަހައްދުގައި ފުލުހުން ހަރަކާތްތެރިވަމުން އަންނަކަަމަށް ވެސް ވިދާޅުވިއެވެ.

މައުލޫމާތު ލިބިފައިވާ ގޮތުގައި އެކްސިޑެންޓުވެފައި ވަނީ ކޮއްދިއްޕަރު ރިސޯޓުގެ މުވައްޒަފުން ގޮވައިގެން ދަތުރުކުރި ލޯންޗަކާއި މަތިވެރި، އުކުޅަސް ފެރީ ސްޕީޑްބޯޓު 'ސެނޯރާ" ނަމަކަށް ކިޔާ ލޯންޗެކެވެ.