ވަން އެންޑް އޮންލީ ރީތި ރަށް ރިސޯޓުގައި އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފް އިން ވިދާޅުވީ އެ ރިސޯޓުގެ ވޯޓަރވިލާއެއްގައި އަލިފާނުގެ ހާދިސާއެއް ހިނގައިގެން، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެފައިވާ ކަމަށެވެ.

އެ ހާދިސާގެ މައުލޫމާތު ލިބުމުން އެފްއާރުއެސްގެ ސިފައިން އެ ރިސޯޓަށް ގޮސް ހަރަކާތްތެރިވެފައިވައިރު، އެ ހާދިސާ ހިނގާފައިވަނީ ޑިސެމްބަރ 31 ވަނަ ދުވަހުގެ ރޭ ދަންވަރު ކަަމަށް ވިދާޅުވިއެވެ. އަދި އަލިފާން ރޯވީ އެ ރިސޯޓްގެ ވޯޓަރވިލާއެއްގެ ފުރާޅުގައި ކަމަށް ވެސް ވިދާޅުވިއެވެ.

އެ އިދާރާ އިން އިތުރަށް ވިދާޅުވީ އެ ހާދިސާ ހިނގުމުން ރިސޯޓުގެ މުވައްޒަފުން އަލިފާން ކޮންޓްރޯލްކޮށް ނިއްވާލާފައިވާ ކަމަށް ވިދާޅުވެއެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވިނަމަވެސް ވޯޓަރވިލާގެ ފުރާޅަށާއި ސީލިންގ އަށް އެކިވަރުގެ ގެއްލުންތައް ލިބިފައިވާކަމަށް އެ އިދާރާ އިން ހާމަކުރައްވައެވެ.