އިކޮނޮމިކް މިނިސްޓްރީއަށް ޕޮލިސީ އެންޑް އިކޮނޮމިކް ރިސަރޗް ކޮންސަލްޓަންޓެއް ހޯދަން އިއުލާން ކޮށްފިއެވެ.

އެ މިނިސްޓްރީން ކޮށްފައިވާ އިއުލާނުގައި މި މަގާމުގެ މަސްއޫލިއްޔަތުތަކުގެ ތެރޭގައި އިގްތިސާދީ ދިރާސާތައް ހެދުމާއި، ވިޔަފާރިއާއި އިންވެސްޓްމަންޓްގެ ދާއިރާއާ ގުޅުންހުރި ކަންކަމުގައި ލަފާދިނުން ހިމެނެއެވެ.

މި މަގާމަށް ކުރިމަތިލާ ފަރާތްތަކުގައި އިކޮނޮމިކްސް، ފައިނޭންސް، އެކައުންޓިންގ، ބިޒްނަސް އެޑްމިނިސްޓްރޭޝަން ނުވަތަ ގުޅުންހުރި ދާއިރާއަކުން މާސްޓަރސް ޑިގްރީ ނުވަތަ އެމްކިއުއޭ ފެންވަރުގެ ސަނަދެއް ހާސިލްކޮށްފައި އޮންނަން ޖެހެއެވެ. އަދި ވިޔަފާރިއާއި އިގްތިސާދީ ދާއިރާގެ ތަޖުރިބާ ލިބިފައިވުން ވެސް ހިމެނެއެވެ.

މިއީ 32،840 ރުފިޔާގެ މުސާރަ ލިބޭ މަގާމެކެވެ. މިމަގާމަށް ޝައުގުވެރިވާ ފަރާތްތަކުން އަންނަ މަހުގެ 13 ވަނަ ދުވަހުގެ މެންދުރު 12 ޖެހުމުގެ ކުރިން، ކަމާގުޅޭ ލިޔެކިޔުންތަކާއެކު އިކޮނޮމިކް މިނިސްޓްރީގެ ހިއުމަން ރިސޯސް ސެކްޝަނަށް ހުށަހަޅަން ޖެހެއެވެ.