ކަޝްމީރާއި ފަލަސްތީނުގެ މައްސަލަ އަށް ސީރިއަސް ސަމާކަމެއް ބޭނުންވާ ކަމުގައި ޕާކިސްތާނުން ރާއްޖެއަށް ކަނޑައަޅުއްވާފަިއ ހުންނަވާ ސަފީރު ހިޒް އެކްސެލެންސީ ވައިސް އެޑްމިރަލް (ރ) މުޙައްމަދު ފައްޔާޟް ގީލާނީ ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ކަޝްމީރު ބްލެކް ޑޭ ފާހަގަކުރުމަށް އޮކްޓޯބަރ 27 ވަނަ ދުވަހު ބޭއްވި ހާއްސަ ހަފުލާގައި ވާހަކަ ދައްކަވަމުންނެވެ.

ސަފީރު ވަނީ އިސްރާއީލުގެ އަތްދަށުން އެންމެ ނުބައި ބާވަތުގެ އަނިޔާވެރިކަމާއި އަނިޔާ ތަހައްމަލުކުރަމުންދާ ފަލަސްތީނުގެ އަޚުންނާއި އުޚުތުންނާއެކު އެއްބައިވަންތަކަން ސާބިތުކޮށްދޭން ޖެހޭ ކަމަށެވެ. އަދި ފަލަސްތީނުގެ މައުސޫމް ރައްޔިތުން މަރާލުން ހުއްޓުވުމަށް އދ އާއި ބައިނަލްއަގްވާމީ މުޖުތަމައުން މެދުވެރިވާން ޖެހޭ ކަމަށެވެ.

" އިންސާނީ ޙައްޤުތަކާއި، ސުލްޙައާއި އިސްތިޤްރާރު ޔަޤީންކުރުމަށްޓަކައި ދިގު މުއްދަތަކަށް ނުނިމި ހުރި މައްސަލަތައް އިންސާފުވެރިކަމާއެކު ޙައްލުކުރުމަށް ކަޝްމީރާއި ފަލަސްތީނަށް ދުނިޔޭގެ ވަގުތުން އަދި ސީރިއަސް ސަމާލުކަމެއް ބޭނުންވޭ." ސަފީރު ވިދާޅުވިއެވެ.

ހުޅުމާލޭގައި ހުންނަ ޕާކިސްތާނު ހައި ކޮމިޝަނުގައި ބޭއްވި މި ހަފުލާގައި ރާއްޖޭގައި އުޅޭ ގިނަ އަދަދެއްގެ ޕާކިސްތާނު ރައްޔިތުން ވަނީ ބައިވެރިވެފައެވެ. އަދި ހައިކޮމިޝަންގެ ޑެޕިއުޓީ ހެޑް މިސްޓަރ ޛުލްޤުރުނައިން އަޙްމަދު ވެސް ބައިވެރިވެވަޑައިގެންނެވިއެވެ.