ރާއްޖޭގެ މިސްކިތްތަކަށް ދެ އިމާމުން އައްޔަންކުރުމުގެ މަސައްކަތް އިސްލާމިކް މިނިސްޓްރީން ފަށައިފިއެވެ.

އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވީ މާލެ ސަރަހައްދުގައި މިހާރު ދެ އިމާމުން ތިބެނީ ސަލްމާން މިސްކިތާއި އިސްލާމީ މަރުކަޒުގައި އެކަނި ކަމަށެވެ.

އެހެންނަމަވެސް އަންނަ އާދިއްތަ ދުވަހުން ފެށިގެން ފުރުޤާން މިސްކިތާއި ހުޅުމާލޭގައި ހުންނަ އާލް ސާނީ މިސްކިތުގައި ދެ އިމާމުން ތިބޭނެކަމަށާއި އަތޮޅުތަކުގައި ހުރި އިސްލާމީ މަރުކަޒުތަކަށް ވެސް އިލްމުވެރި ދެ އިމާމުން އައްޔަންކުރާނެ ކަމަށް ވިދާޅުވިއެވެ.

މީގެއިތުރުން ހިލޭސާބަހަށް ކީރިތި ޤުރުއާން ކިޔަވައިދިނުމަށް މަގު ފަހިކުރުމަށް ވެސް މަސައްކަތްކުރަމުންދާ ކަމަށާއި އެގޮތުން ވިލިމާލޭގައި ހުޅުވާ ކީރިތި ޤުރުއާނާ ބެހޭ ޤައުމީ މަރުކަޒުގެ ގޮފީގައި ހިލޭ ކީރިތި ޤުރްއާން ކިޔަވަން ދަސްކޮށްދޭނެ މިނިސްޓަރު ވަނީ ފާހަގަަކުރައްވާފައެވެ.

" ޤުރުއާނާ ބެހޭ މަރުކަޒުގެ ގޮފި މިއަދު ހުޅުވޭނެ. މިތަން ހަދާފައި ހުންނަނީ ހުޅުމާލެ އަލް ބިއްރު މިސްކިތުގަ." މިނިސްޓަރު ވިދާޅުވިއެވެ.

މިއީ މާލެ ސިޓީ ކައުންސިލާއި ކީރިތި ޤުރުއާނާ ބެހޭ ޤައުމީ މަރުކަޒު ގުޅިގެން ތަރައްގީކުރި ތަނެކެވެ.