ބެންގަލޫރުގައި ދިވެއްސަކު ނިޔާވެފައި އޮއްވާ ފެނިއްޖެއެވެ.

އެގައުމުގެ ނޫސްތަކުގައި ހާމަކޮށްފައިވާ ގޮތުގައި ނިޔާވެފައި އިއްވާ ފެނުނީ އުމުރުން 43 އަހަރުގެ ހަސަން ސުހައިލް ނަމަކަށްކިޔާ މީހެއްކަމަށް ވަނީ ރިޕޯޓްކޮށްފައެވެ. އަދި އޭނާ ފެނިފައިވަނީ ބެންގަލޫރުގެ އާރްޓީ ނަގަރުގެ ކުއްޔަށް ދޫކުރާ ތަނެއްގެ ކޮޓަރި ތެރެއިން ކަމަށް ވެސް ރިޕޯޓުތައް ބުނެއެވެ.

ރިޕޯޓުތައް ބުނާ ގޮތުގައި އޭނާ ބެންގަލޫރަށް ދިޔައީ މި މަހުގެ 10 ވަނަ ދުވަހުއެވެ. އަދި އެންމެފަހުން ކޮޓަރިން ނުކުތްކަމަށް ވަނީ މި މަހުގެ 12 ވަނަ ދުވަހުއެވެ.

އެއަށްފަހު، އޭނާގެ ޚަބަރެއްނުވާތީ ޕޮލިހަށް ރިޕޯޓުކޮށް، ޕޮލިހުން ގޮސް ބެލިއިރު ސުހެއިލް އޮތީ އެ ކޮޓަރީގެ ތަޅުމުގައި ނިޔާވެފައި ކަމަށް ވެސް ޚަބަރުތަކުގައި ވެއެވެ. އަދި އޭނާ ނިޔާވެފައިއޮއްވާ ފެނުނުއިރު، ގިނަ އަދަދަކަށް ހޮޑުލެވިފައިވާކަމަށް ބުނެއެވެ.

އޭނާގެ ހަށިގަނޑު މޯޗަރީއަކަށް ގެންގޮސްފައިވާ ކަމަށާއި ޕޯސްޓްމޯޓަމް ހެދުމުގެ ކަންތައް ކުރިއަށްގެންދަން މަޑުކުރަނީ އާއިލާގެ ފަރާތުން އިންޑިއާއަށް ގޮސް ހުއްދަ ދިނުމުން ކަމަށް އެގައުމުގެ ނޫސްތަކުގައި ވެއެވެ.