މޯލްޑިވްސް ބްރޯޑްކާސްޓިންގ ކޮމިޝަނުގެ ދެ މެމްބަރެއްގެ މަގާމު ހުސްވާތީ، އެ ދެ މަގާމަށް ކުރިމަތިލުމަށް ހުޅުވާލައިފިއެވެ.

ރައީސުލްޖުމްހޫރިއްޔާގެ އޮފީހުން މި ފުރުސަތު ހުޅުވައިލީ ނޮވެމްބަރ 18 ވަނަ ދުވަހުއެވެ. އަދި މި ހިނގާ ނޮވެމްބަރ މަހުގެ 26 ވާއަންގާރަ ދުވަހުގެ މެންދުރު 12 ޖެހުމާއި އެ ފުރުސަތު އޮންނާނެކަމަށް ވަނީ ހާމަކުރައްވާފައެވެ.

މެންބަރުކަމުގެ ފޯމު ބަލައިގަތުމަށް ހަމަޖެހިފައިވަނީ، މަގާމަށް ކުރިމަތިލުމަށް ދީފައިވާ މުއްދަތުގައި، ރަސްމީ ބަންދު ދުވަސްތައް ފިޔަވައި، އެހެން ދުވަސްދުވަހުގެ ހެނދުނު 08:30 އިން މެންދުރު 12 ޖަހަންދެން ރައީސުލްޖުމްހޫރިއްޔާގެ އޮފީހުންނެވެ.

މި މަޤާމަށް ކުރިމަތިލުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ވެބްސައިޓުން ލިބެންހުންނާނެއެވެ.  www.presidency.gov.mv