ސިނަމާލެ ބްރިޖު ހައިވޭގައި ހިނގި އެކްސިޑެންޓެއްގައި 53 އަހަރުގެ މީހަކަށް ސީރިއަސް އަނިޔާތަކެއް ވެއްޖެއެވެ.

ދިވެހި ފުލުހުންގެ ހިދުމަތުން ވިދާޅުވީ މިއީ ސިނަމާލެ ބުރިޖުގެ ހައިވޭގެ އެއަރޕޯޓް ލައިޓް ކައިރިން ހިނގި އެކްސިޑެންޓެއް ކަމަށެވެ. އަދި ބްރިޖް ލައިޓް ކައިރިން ފެންސްގައި ޖެހި މި އެކްސިޑެންޓު ހިނގާފައިވާކަމަށް ރިޕޯޓުކޮށްފައިވަނީ ފަތިހު 5:25 ހާއިރު ކަމަށެވެ.

މި ހާދިސާގައި ސައިކަލުގައި އިނީ 53 އަހަރުގެ ދިވެހި ފިރެހެނެއް ކަމަށާއި އޭނާ އަށް އަނިޔާވެގެން އައިޖީއެމްއެޗްގައި ފަރުވާދެމުންދާ ކަމަށް ވެސް ވިދާޅުވިއެވެ. އަދި އެ މީހާގެ ހާލު ސީރިއަސްކަމަށް ހޮސްޕިޓަލުން މައުލޫމާތުދީފައިވާކަމަށް ވެސް ފުލުހުން ހާމަކުރައްވައެވެ.

މި ހާދިސާއާއި ގުޅިގެން ބަލަންޖެހޭ ކަންކަން ބަލަމުން އަންނަކަމަށް އެ އިދާރާ އިން ވިދާޅުވެއެވެ.