މި މަހު ބޭއްވުމަށް ތާވަލުކޮށްފައިވާ ގައުމީ އޯޕަން ވޯޓަރ ފެތުމުގެ މުބާރާތުގައި ބައިވެރިވުމުގެ މުއްދަތު އިތުރުކޮށްފިއެވެ.
ސްވިމިންގ އެސޯސިއޭޝަން އޮފް މޯލްޑިވްސް އިން ވިދާޅުވީ މި މެއި 17 ގައި ބާއްވާ މި މުބާރާތުގައި ބައިވެރިވުމުގެ ސުންގަޑިއަކީ މެއި 6 ވަނަ ދުވަހުގެ މެންދުރު 2 ޖަހަންދެން ކަމަށެވެ.
މިއަހަރުގެ މުބާރާތް ވެސް ކުޑަގިރީގައި ބާއްވާއިރު، މިއީ 16 ވަނަ ގައުމީ ފެތުމުގެ މުބާރާތެވެ. މި މުބާރާތުގައި ކުރިޔަށްދާނީ 5 ކިލޯ މީޓަރާއި 3 ކިލޯމީޓަރު ރޭސް ކޯސް، 1 ކިލޯމީޓަރ ރޭސް އަދި 0.5 ކިލޯ މީޓަރ ރޭސް ކޯސްގެ އިވެންޓުތައް ކަަމަށް އެސޯސިއޭޝަނުން ވިދާޅުވެއެވެ.
މުބާރާތުގައި ބައިވެރިވުމަށް އެެދޭ ފޯމު އެސޯސިއޭޝަންގެ ވެބްސައިޓް https://swimming.org.mv/event/16nowsc2025/ މެދުވެރިކޮށް ލިބެންހުންނާނެއެވެ.
