1 month ago
އަފްރާހް
ރާއްޖޭގެ ޑިމޮކްރަސީގެ އިރު އިއްޔެ އޮއްސިއްޖެ ކަމުގައި އެމްޑީޕީގެ ރައީސް އަދި ކުރީގފެ ފޮރިން މިނިސްޓަރ ޢަބްދުﷲ ޝާހިދު ވިދާޅުވެއްޖެއެވެ.
އެމްޑީޕީން، ނޮވެމްބަރ 21 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެމަނިކުފާނު ވިދާޅުވީ ގާނޫނުއަސާސީގެ މުޅި މަފްހޫމަކީ ރައްޔިތުންނާ މަޝްވަރާ ކޮށްގެން ނިންމުން ކަމަށެވެ.
"އިއްޔެ ގެނައި ބަދަލުތަކާ މެދު ރައްޔިތުން ދެކޭ ގޮތް ހާމަކުރުމުގެ ފުރުސަތު ދޭން ޖެހޭނެ. އަނެއް ދެ ބާރުގެ ވެރިން ވަކިކުރުމުގެ ބާރު ރައީސުލްޖުމްހޫރިއްޔާ އެ ނެންގެވީ." ޝާހިދު ވިދާޅުވިއެވެ.
މީގެއިތުރުން މަޖިލީހުން ފާސްކުރި އިސްލާހުތަކަކީ ޑިމޮކްރަޓިކް ހަމަތަކަކުން ކުރިއަށް ދިޔަ ކަންކަމެއް ނޫން ކަމަށް ވަނީ ވިދާޅުވެފައެވެ. އަދި ރާއްޖޭގައި މަޝްވަރާގެ އުސޫލުން ކަންކަން ކުރުމުގެ ވައްޓަފާޅިިއެއް ހިންގަން ފެށީ 2009 ވަނަ އަހަރުގެ ރައްޔިތުންގެ މަޖިލީހާއި ހަމައިންކަން ފާހަގަކުރެއްވިއެވެ.
ޝާހިދު އިތުރަށް ވިދާޅުވީ ގާނޫނުއަސާސީއަށް ގެނަައި ބަދަލުތަކަކީ އެ މަގުން ދިޔަ ކަންކަމެއް ނޫން ކަމަށެވެ. އަދި ބޭނުންވާ ހުރިހާ ގޮތަކަށް ކަންކަން ކުުރުމަކީ ޑިމޮކްރަސީއެއް ނޫން ކަމަށެވެ.
ގާނޫނުއަސާސީއަށް ގެނެވިފައިވާ އިސްލާހުތަކާއެކު، ރައީސުލްޖުމްހޫރިއްޔާ ބޭނުންފުޅުވާއިރެއްގައި މަޖިލީހުގެ ރައީސާއި އުއްތަމަފަނޑިޔާރު ވަކި ކުރެވޭނެކަން ފާހަގަކުރައްވައި، އެ ދެ ބާރުގެ ވެރިން މިހާރުތިއްބަވަން ޖެހޭނީ ރައީސްގެ މުށުތެރޭގައިކަމަށް ވެސް އެމަނިކުފާނު ވިދާޅުވިއެވެ.
www.oivaru.com | All Rights reserved ©
އަހުމަދު
އަޅެ ދެންދޯ، ތިނޫން ވަރެއް ވޭތަ، އެއްބަޔަކު ވެރިކަމަށް އަންނަ އިރަށް އަނެއް ބަޔަކު މިކިޔަނީ މީ ވެރިކަން ހިންގާގޮތެއް ނޫނޭ، ޑިމޮކްރެސީ އެއް ނޫނޭ، އެހެންވެއްޖިއްޔާ ދެން ރައްޔިތުން ނަކީ ކީއްކުރާ ބައެއްބާ، ދެން ރަސްކަމެއް ފަށަން ވީނުން، ދެން ނާންނާތި ގެއަށް ވެސް ނުވަންނާތި ތިޔައިން އެކަކުވެސް ވޯޓޭ ކިޔާފަ، ވަރަށް ސަލާން،
1 month ago