ވަރލްޑް ލީޑިންގ ގްރީން ޑެސްޓިނޭޝަން އެވޯޑް ފުރަތަމަ ފަހަަރަށް ރާއްޖެއަށް ލިބިއްޖެއެވެ.

މި އެވޯޑު ރާއްޖެއަަށް ހަވާލުކޮށްފައިވަނީ ޕޯޗުގަލްގެ މަދޭރާގައި ބޭއްވި ވަރލްޑް ޓްރެވަލް އެވޯޑްސްގެ ގްރޭންޑް ފައިނަލް ގާލާގައެވެ.

މިއީ ތިމާވެއްޓާއި ރަށްޓެހި ދެމެހެއްޓެނިވި ފަތުރުވެރިކަމެއް ހިންގާ މަންޒިލްތަކަށް ދޭ އެވޯޑެކެވެ.

މި ކާމިޔާބީއާއި ގުޅިގެން ޓޫރިޒަމް މިނިސްޓަރ އިބްރާހިމް ފައިސަލް ވިދާޅުވީ މިއީ ފަތުރުވެރިކަމުގެ ދާއިރާގައި ހިމެނޭ ހުރިހާ ފަރާތްތަކުން އެކުގައި ކުރެވުނު މަސައްކަތުގެ ނަތީޖާ ކަމަށެވެ.

އެގޮތުން ރިސޯޓުތަކާއި ޑައިވް ސެންޓަރުތަކާއި އެއަރލައިންތައް ފާހަގަކުރެއްވިއެވެ. އަދި ޓްރެވަލް އޭޖެންސީތަކާއި، ޓުއަރ ގައިޑުންނާއި ދާއިރާގައި މަސައްކަތްކުރާ އެންމެހައި ފަރާތްތައް ފާހަގަކުރެއްވިއެވެ.

މީގެއިތުރުން މި އިނާމުތަކުން ދައްކުވައިދެނީ ރާއްޖެއަށް ދުނިޔޭގެ ފެންވަރުގައި ލިބިފައިވާ ކާމިޔާބީގެ ފަހަތުގައިވަނީ އެންމެން ގުޅިގެން ކުރާ މަސައްކަތާއި ރާއްޖެއިން ފަތުރުވެރިންނަށް ދޭ ހިދުމަތްތަކުގެ ފެންވަރު ހިފެހެއްޓުމަށް ކުރާ މަސައްކަތާއި ތިމާވެށި ރައްކާތެރިކުރުމަށް ކުރާ މަސައްކަތްތައް ކަމަށް ވެސް މިނިސްޓަރު ވަނީ ފާހަގަކުރައްވާފައެވެ.