މާލޭގެ ގެއެއްގެ 10 ވަނަ ފަންގިފިލާގައި އަލިފާނުގެ ހާދިސާއެއް ހިނގައިގެން އެމްއެންޑީއެފް އިން ހަރަކާތްތެރިވާން ފަށައިފިއެވެ.

އެ އިދާރާ އިން މީޑިއާ އަށް ވިދާޅުވީ އަލިފާން ރޯވެފައިވަނީ ގޭގެ 10 ވަނަ ފަންގިފިލާގައި ހުރި ގުދަނެއްގައިކަމަށެވެ. އަދި އަލިފާން މިހާރުވަނީ ވަރަށް ބޮޑުތަން ކޮންޓްރޯލްކޮށްފައި ކަމަށެވެ.

މީގެއިތުރުން މި ހާސިދާގައި އެއްވެސް މީހަކަށް އަނިޔާވިކަމުގެ މައުލޫމާތެއް އަދިލިބިފައި ނުވާކަމަށް ވެސް ވިދާޅުވިއެވެ.

ބައެއް މަސްދަރުތަކުން ހާމަކޮށްފައިވާ ގޮތުގައި މި ހާދިސާ ހިނގާފައިވަނީ މާވެޔޮމަގު ފަތަހަ ފިހާރަ ކައިރީ ހުރި ގެއެއްގައެވެ. އަދި އެއީ އެމްއައި ކޮލެޖުގެ މާލޭ ކެމްޕަސް ހިންގަމުން އަންނަ އިމާރާތް ކަމަށް ވެސް ބައެއް ފަރާތްތަކުން އަންނަނީ ބުނަމުންނެވެ. ނަމަވެސް ރަސްމީ އިދާރާތަކުން އެކަން އަދިކަށަވަރެއް ނުކޮށްދެއެވެ.