މ. ނިޔަނދުރުމާގެ ދިހަވަނަ ފަންގިފިލާގަ ހުރި ގުދަނެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެ ނިއްވާލައިފިއެވެ.

އެގޭގައި އަލިފާން ރޯވިކަމުގެ ރިޕޯޓު އެ އިދާރާ އަށް ލިބިފައިވަނީ ނޮވެމްބަރ 25 ވަނަ ދުވަހުގެ ހަވީރު 5:55 ހާއިރު ކަަމަށް ވަނީ މައުލޫމާތު ދެއްވާފައެވެ. އަދި މައުލޫމާތު ލިބުމާއެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށް ވިދާޅުވިއެވެ.

އެގޮތުން އެ ގޭގެ ގުދަނުގައި ރޯވި އަލިފާން ނިއްވާލެވުނީ 7:45 ހާއިރު ކަަމަށް އެމްއެންޑީއެފް އިން ވަނީ ވިދާޅުވެފައެވެ. އަދި މި ހާދިސާގައި އެއްވެސް މީހަކަށް އަނިޔާވިކަމުގެ މައުލޫމާތު މިހައިތަނަށް ލިބިފައި ނުވާ ކަމަށް އެ އިދާރާ އިން ވިދާޅުވިއެވެ.