މާލޭގައި އަލިފާނުގެ ހާދިސާއެއް ހިނގައިގެން ކަމާއިގުޅޭ އިދާރާތަކުން ހަރަކާތްތެރިވާން ފަށައިފިއެވެ.

އެމްއެންޑީއެފް އިން ވިދާޅުވީ އަމީނީ މަގު ކަންމަތީ، ހައުސިންގ މިނިސްޓްރީ ހުރި އިމާރާތުގައި އަލިފާނުގެ ހާދިސާއެއް ހިނގައިގެން އަލިފާން ނިއްވާ ފަރާތްތަކުން ހަރަކާތްތެރިވަމުން އަންނަކަމަށެވެ. އެ އިދާރާ އިން ވިދާޅުވީ އިތުރު މައުލޫމާތު ލިބެމުން އަންނަވަރަކަށް ހިއްސާ ކުރައްވާނެކަމަށެވެ.

މީސްމީޑިއާގައި ދައުރުވަމުންދާ ފޮޓޯ އާއި ވީޑިއޯ އިން ފެންނަގޮތުގައި ފުދޭވަރަކަށް ބޮޑަށް ވަނީ އަލިފާން ރޯވެފައެވެ. ބައެއް މަސްދަރުތަކުން ހާމަކުރާ ގޮތުގައި ރޯވެފައިވަނީ މާލޭ ސިޓީ ކައުންސިލުގެ ވައިޓަލް ރެޖިސްޓްރޭޝަން ޑިޕާޓްމެންޓުގައެވެ.