މިފެށޭ 2025 ވަނަ އަހަރަށް މަރުހަބާ ކިޔުމަށް ގިނަ ކަންތައްތަކެއް ބޭއްވުމަށް ނިންމައިފިއެވެ.

މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ވިދާޅުވީ އައު އަހަރަށް މަރުހަބާ ކިޔުމަށް ހުޅުމާލޭގައި، ކުލަގަދަކޮށް ހާއްސަ ހަރަކާތްތަކެއް ބާއްވަން ނިންމާފައިވާކަމަށެވެ.

އެގޮތުން މި ހަރަކާތްތައް ޑިސެމްބަރ 31 އަދި ޖަނަވަރީ އެއްވަނަ ދުވަހު ވެސް ބާއްވަން ނިންމައިފައިވާ ކަމަށް ވިދާޅުވިއެވެ. މި ހަރަކާތްތައް އޮންނާނީ ހުޅުމާލޭ ސެންޓްރަލް ޕާކުގައެވެ.

އެގޮތުން 31 ވަނަ ދުވަހުގެރޭ 8 ން މެންދަމު 12 ޖަހަންދެން ސެންޓްރަލް ޕާކުގައި ޑްރޯން ފެސްޓިވަލެއް ކުރިއަށް ގެންދިއުމަށް ނިންމާފައިވާއިރު، މިފެސްޓިވަލުގައި ފަތުރުވެެރިއެއްގެ ދަތުރު ދައްކުވައިދޭ 15 މިނިޓުގެ ޚާއްސަ ޑްރޯން ޝޯވއެއް ކުރިއަށްގެންދާބެއެވެ. އަދި އެރޭ 12 ޖަހާއިރު ހަވާއެރުވުން ވެސް އޮންނާނެއެވެ.

މީގެއިތުރުން އައި އަހަރާ ދިމާކޮށް ފުޑް ފެސްޓިވަލެއް ވެސް ބޭއްވުމަށް ނިންމާފައިވާއިރު، މި ފުޑް ފެސްޓިވަލް އޮންނާނީ މި މަހުގެ 31 ވަނަ ދުވަހާއި ޖެނުއަރީ އެއްވަނަ ދުވަހު ކަމަށް ވިދާޅުވިއެވެ.

Join us at the Maldives Culture and Food Festival for an unforgettable New Year’s celebration on 31st December 2024 and 1st January 2025. Celebrate with a spectacular drone show starting at 9pm, followed by fireworks, and a vibrant showcase of Maldivian culture, arts, and cuisine pic.twitter.com/1h76oA8Ryq

— Maldives Marketing & Public Relations Corporation (@mmprc_corporate) December 28, 2024

މިފަހަކަށް އައިސް ކޮންމެ އަހަރަކު ވެސް އައު އަހަރަށް މަރުހަބާ ކިޔުމަށް މާލޭ ސިޓީއާއި، ރާއްޖޭގެ އެކި ކަންކޮޅުތަކުގައި ދަނީ ކުލަގަދަ ހަރަކާތްތަކެއް ބާއްވަމުންނެވެ.