ގައުމަށް ކުރިއެރުމާއި އަރުތަ ހާސިލު ކުރުމަށް ހިތްމަތާއެކު މަސައްކަތްކޮށްދިނުމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެދިވަޑައިގެންފިއެވެ.

އެމަނިކުފާނު މިފަދައިން ވިދާޅުވީ މި ފެށުނު އައު އަހަރުގެ ތަހުނިޔާ އާއި މުބާރަކްބާދީ ފޮނުއްވައި، އެކްސް ގައި ކުރެއްވި ޕޯސްޓެއްގައެވެ.

އެ ޕޯސްޓުގައި މަޖިލިސް ރައީސް ވަނީ ކުރިއަށް އޮތް އަހަރުގައި އަޅުގަނޑުމެންގެ ކޮންމެ މީހަކީވެސް، އައު އަޒުމަކާއި އައު ހިތްވަރަކާއި އެކު ދިވެހިގައުމަށް ފާގަތިކަމާއި، ކުރިއެރުމާއި، އަރުތަ ހާސިލު ކުރުމަށް ހިތްމަތާއި އެކު މަސައްކަތްކުރާ ރައްޔިތަކަށް ވުމަށް އެދިވަޑައިގެންފައެވެ.

މީގެއިތުރުން އައު އަހަރުގެ ތަހުނިޔާ އާއި ހެޔޮއެދުންތައް ރައީސް ޑރ. މުޙައްމަދު މުޢއިްޒުގެ ދެކަނބަލުންނަށާއި، މަޖިލިސް މެމްބަރުންނަށާއި އެންމެހާ ދިވެހި ލޮބުވެތި ރައްޔިތުންނަށް ވަނީ އަރިސްކުރައްވާފައެވެ.

ހަމަމިއާއެކު ދިވެހީންނަކީ އެކުވެރި، ހިތްހެޔޮ، ހެޔޮލަފާ، އަދި ދުޅަހެޔޮ ސިއްހަތެއް ލިބިފައިވާ ބަޔަކު ކަމުގައި މިންވަރު ކޮށްދެއްވުމަށް ވަނީ ދުއާ ކުރައްވާފައެވެ.

މީލާދީ އައު އަހަރުގެ ތަޙުނިޔާ 2025

މިފެށޭ މީލާދީ އައު އަހަރުގެ ތަޙުނިޔާ އާއި ހެޔޮއެދުންތައް ރާއްޖޭގެ ޢިއްޒަތްތެރި ރައީސުލް ޖުމްހޫރިއްޔާގެ ދެކަނބަލުންނަށާއި، ރައްޔިތުންގެ މަޖިލީހުގެ ޢިއްޒަތްތެރި މެންބަރުންނަށާއި، އެންމެހާ ދިވެހި ލޮބުވެތި ރައްޔިތުންނަށް އިޚްލާޞްތެރިކަމާއެކު… pic.twitter.com/Tv6ggLy3px

— Abdul Raheem Abdulla (@Banafsaa) December 31, 2024