ރާއްޖެއާއި ޗައިނާ ދެމެދު ހަދާފައިވާ ފްރީ ޓްރޭޑް އެގްރީމެންޓް ނުވަތަ މިނިވަން ވިޔަފާރީގެ އެއްބަސްވުން (އެފްޓީއޭ) އަށް ޢަމަލުކުރަން ފަށައިފިއެވެ.

މި އެއްބަސްވުމަށް ޢަމަލުކުރަން ފަށައިފާވަނީ 2025 ޖަނަވަރީ ފުރަތަމަ ދުވަހުއެވެ.

މ އެއްބަސްވުމަކީ 2014 ވަނަ އަހަރު ޗައިނާގެ ރައީސް ޝީ ޖިންޕިންގ ރާއްޖެއަށް ކުރެއްވި ދަތުރުފުޅުގައި ފެށުނު މަޝްވަރާތަކެއްގެ ނަތީޖާއެކެވެ.

އިކޮނޮމިކް މިނިސްޓްރީން ހާމަކުރައްވާފައިވާގޮތުގައި މި އެއްބަސްވުން އަވަސް ކުރީ ފައިބެއަހަރުގެ ޖަނަވަ މަހު ރައީސް ޑރ. މުހައްމަދު މުއިއްޒު ޗައިނާ އަށް ކުރެއްވި ދަތުރުފުޅުގައި އެ ގައުމުގެ ރައީސްއާ އެކު ކުރެވުނު މަޝްވަރާތަކާ ގުޅިގެންނެވެ.

މި އެއްބަސްވުމުގެ ދަށުން އެގައުމުން ރާއްޖެއަށް އިމްޕޯޓްކުރާ 70 އިންސައްތަ މުދަލުން ޑިއުޓީ ކެނޑޭނެއެވެ. އަދި ރާއްޖެއިން އެގައުމަށް އެކްސްޕޯޓްކުރާ 95 އިންސައްތަ މުދަލުން ވެސް ޑިއުޓީ ކެނޑޭނެއެވެ. ހާއްސަކޮށް، ރާއްޖެއިން އެކްސްޕޯޓްކުރާ މަހާއި މަހުގެ އުފެއްދުންތައް ޗައިނާގެ މާކެޓަށް ސުން ޑިއުޓީގައި ވެއްދޭނެއެވެ.

އިކޮނޮމިކް މިނިސްޓްރީން ވަނީ މިއީ ރާއްޖޭގެ އެކްސްޕޯޓާއި އުފެއްދުންތެރިކަން އިތުރުކުރުމަށް ލިބުނު މުހިންމު ފުރުސަތެއްކަން ފާހަގަކޮށްފައެވެ. އަދި ކުދި، މެދު އަދި ބޮޑެތި ވިޔަފާރިތަކަށް ޗައިނާގެ ބިޔަ މާކެޓަށް ވަދެ، ވިޔަފާރި ފުޅާކުރުމުގެ ރަން ފުރުސަތެއްގެ ގޮތުގައި ފާހަގަކޮށްފައި ވެއެވެ.

މި އެއްބަސްވުން ތަންފީޒުކުރުން އިއުލާންކުރުމަށް 30 ޑިސެމްބަރ 2024 ވީ ހޯމަ ދުވަހު ބޭއްވި ރަސްމިއްޔާތުގައި ދެ ގައުމުގެ ވިޔަފާރީގެ ވަޒީރުން ބައިވެރިވެވަޑައިގެން، މި ތާރީހީ އެއްބަސްވުމުގެ ފައިދާތަކާ ބެހޭގޮތުން ވާހަކަފުޅު ދައްކަވާފައިވެއެވެ. އަދި މި އެއްބަސްވުން މިހާރުވަނީ ދިވެހި ސަރުކާރުގެ ގެޒެޓުގައި ޝާއިއުކޮށްފައެވެ.