ބޭންކް އޮފް މޯލްޑިވްސް (ބީއެމްއެލް) ކާޑުން ވިޔަފާރިކުރާ ފަރާތްތަަކަށް ހާއްސަ ޕްރޮމޯޝަނެއް ފަށައިފިއެވެ.

އެ ބޭންކުން ހާމަކޮށްފައިވާ ގޮތުގައި މި ޕްރޮމޯޝަންގައި މި މަހުގެ ނިޔަލަށް ވިޔަފާރިކޮށްގެން 100،000 ރުފިޔާ ލިބޭ ޕްރޮމޯޝަނެއް ކަމަށެވެ. އަދި މި މުއްދަތުގައި އެ ބޭންކުގެ ކްރެޑިޓް ކާޑާއި ޑެބިޓް ކާޑުން، 200 ރުފިޔާއަށް ވުރެ މަތިން ކުރާ ކޮންމެ ވިޔަފާރިއެއް މި ޕްރޮމޯޝަނުގެ ގުރުއަތުގައި ހިމެނޭނެ ކަމަށް ވަނީ ހާމަކޮށްފައެވެ.

މީގެއިތުރުން މި ޕްރޮމޯޝަނުގައި ގުރުއަތުން ހޮވޭ 5 މީހަކަށް ކޮންމެ ދުވަހަކު 1،000 ރުފިޔާ ލިބޭނެ ކަމަށް ބީއެމްއެލް އިން ބުނެއެވެ. އަދި މިއީ ބޮޑު އިނާމުގެ އިތުރުން ދޭ އިނާމު ކަމަށް ވެސް ބުނެއެވެ.

ބީއެމްއެލް އިން ބުނީ ކޮންމެ ދުވަހަަކު ވެސް ގުރުއަތުން ހޮވޭ ފަރާތް އެ ބޭންކުގެ ވެބްސައިޓުގައި އާންމުކުރާނެ ކަމަށެވެ.

ރާއްޖޭގައި އެންމެފުޅާ ދާއިރާއެއްގައި ކާޑު ދޫކުރުމާއި ކާޑުގެ ހިދުމަތް ބީއެމްއެލް އިން ދެނީ 8000 އަށްވުރެ ގިނަ މަރޗެންޓުންނާއެކުގައެވެ.