ވޮޝިންޓަން ރިޕޯޓަކީ ދެގައުމުގެ މަޖުބޫރު ދެކޮޅުވެރިކަމެއް އުފައްދަން ކުރި ކަމެއް ކަމުގައި އިންޑިއާ އިން ހާމަކޮށްފިއެވެ.

އެގައުމުން މިކަން ހާމަކޮށްފައި މިވަނީ ރައީސް ޑރ. މުޙައްމަދު މުއިއްޒުގެ ވެރިކަން ވައްޓާލަން އުޅުނުކަމުގެ ތުހުމަތުތަކެއް އެމެރިކާގެ ވޮޝިންޓަން ޕޯސްޓުގައި ކޮށްފައިވާ ދަނޑިވަޅެއްގައެވެ.

އެ ރިޕޯޓު ދޮގުކޮށް އިންޑިއާގެ އެކްސްޓާނަލް އެފެއާޒް މިނިސްޓްރީގެ ތަރުޖަމާނު ރަންދީރު ޖައިސްވާލް ވަނީ އެ ރިޕޯޓު ދޮގުކޮށްފައެވެ. އަދި އެއީ މަޖުބޫރު ދެކޮޅުބވެރިކަމެއް އުފެއްދުމަށް ކުރި ކަމެއް ކަމަށެވެ.

ވޮޝިންޓަން ޕޯސްޓުގައި އިންޑިއާގެ އިންޓެލިޖެންސް އޭޖެންސީއެއް ކަމުގައިވާ ރިސަރޗް އެންޑް އެނަލިސިސް ވިންގް (އާރްއޭޑަބްލިޔު) އިން ވަނީ ރައީސް ޑރ. މުއިއްޒުގެ ވެރިކަން ވައްޓާލުމަށް ސަރުކާރާ އިދިކޮޅު ސިޔާސީ ލީޑަރުންނާ މަޝްވަރާކޮށްފައިވާ ކަމަށް ބުނެފައެވެ. އަދި އެކަމަށް "ޑިމޮކްރެޓިކް ރިނިއުވަލް އިނީޝިއޭޓިވް" ގެ ނަމުގައި ޕްލޭނެއް ވެސް ހަދާފައިވާ ކަމަށް ބުނެފައިވެއެވެ.

މީގެއިތުރުންރައްޔިތުންގެ މަޖިލީހުގެ 40 މެންބަރަކަށް ރިޝްވަތު ދިނުމާއި ސިފައިންނާއި ފުލުހުންގެ އިސް ދިހަ އޮފިސަރަކަށް ރިޝްވަތު ދިނުމަށް ރަވާފައިވާ ކަމަށް ވެސް ބުނެފައި ވެއެެވެ. އަދި ރާއްޖޭގެ ނަން މަޝްހޫރު ތިން ގޭންގަކަށް ރިޝްވަތު ދިނުމަށް ނިންމާފައިވާ ކަމަށް ވެސް ވަނީ ބުނެފައެވެ.

އެ ޕްލޭން ތަންފީޒުކުުރުމަށް 6 މިލިއަން ޑޮަލަރު ބޭނުންވިނަމަވެސް ޕްލޭނާ އެއްގޮތަށް ކަންކަން ނުދިއުމުން އިންޑިއާއިން ފައިސާ ދޭން ދެކޮޅު ހަދާފައިވާ ކަމަށާއި އިންޑިއާ ކަނޑަށް ޗައިނާގެ ބާރު ގަދަވެދާނެތީ، އިންޑިއާއިން ކަަންބޮޑުވާ ކަމަށް ވެސް އެ ނޫހުގައި ވެއެވެ.

އެ ނޫހުގައި އިތުރަށް ރިޕޯޓުކޮށްފައިވާ ގޮތުގައި އެގައުމުން ވަނީ ރާއްޖެއާއެކު އޮންނަގުޅުން މިހާރަށްވުރެ އިތުރަށް ބަދަހިކުރުމަށް މަސައްކަތް ކުރުމަށާއި ރާއްޖޭގެ ސަރުކާރަށް އެހީތެރިކަން ފޯރުކޮށްދީ، އެއްބާރުލުން ދޭން ނިންމާފައެވެ.