ރާއްޖޭގެ ފޮރިން މިނިސްޓަރ ޑރ. އަބްދުﷲ ޚަލީލު، އިންޑިއާ އަށް ވަޑައިގަންނަވާގޮތަށް ހަމަޖެހިފައިވާކަމަށް މައުލޫމާތު ލިބިއްޖެއެވެ.

ރާއްޖޭގެ ބައެއް އޮންލައިން ނޫސްތަކުގައި ރިޕޯޓުކޮށްފައިވާ ގޮތުގައި އެމަނިކުފާނު އިންޑިއާ އަށް ފުރާވަޑައިގަންނަވަނީ މިރެއެވެ. އަދި ވަޑައިގަންނަވަނީ ނިއުދިއްލީ އަށެވެ.

މިނިސްޓަރުގެ މި ދަތުރުފުޅުގައި އެގައުމުގެ އެކްސްޓަރނަލް އެފެއާޒް މިނިސްޓަރު ޑރ. އެސް ޖައިޝަންކަރާއި ބައްދަލުކުރައްވާނެކަމަށް ވެސް ބައެއް މަސްދަރުތަކުން ބުނެއެވެ. އަދި މި ދަތުރުފުޅު ނިންމަވާލައްވާނީ ހޮނިހިރު ދުވަހު ކަމަށް ވެސް މައުލޫމާތު ލިބެއެވެ.

މި ދަތުރުފުޅާއިގުޅޭ އެއްވެސް މައުލޫމާތެއް ފޮރިން މިނިސްޓްރީން މިހައިތަނަށް ހާމައެއް ނުކުރައްވައެވެ.