ގެއެއްގެ ބައެއް ގަނބައިގަނެ، އަޑިއަށްދާތީ އެ ގެއިން މީހުން ހުސްކޮށްފިއެވެ.

މާލެ ސިޓީ ކައުންސިލުން ބުނީ އެ އިމާރާތުގައި ރެނދު ލާފައިވަނީ ޖެހިގެން ހުރި މ. ނެވިގޭޓާ އިމާރާތް ކުރަމުން ދިޔައިރު، ޝީޓް ޕައިލްނުކޮށް ހުރުމުގެ ސަބަބުން ކަމަށެވެ.

މިއީ ހަތަރު ކޮޓަރިއެއްގައި ހަތަރު އާއިލާއެއް ދިރިއުޅެމުންދާ ގެއެއް ކަމަށާއި އެ ގޭގައި 18 އަހަރުން ދަށުގެ 3 ކުދިންނާއި 6 މީހުން ދިރިއުޅޭ ކަމަށް ވަނީ މައުލޫމާތު ލިބިފައެވެ. އަދި އަނެއް ދެ ބައިގައި ދިރިއުޅެނީ ބޭރު މީހުން ކަމަށް ވެސް އެނގިފައި ވެއެވެ.

މާލޭ ސިޓީ ކައުންސިލުން އެ ގޭގެ ފޮޓޯތައް ހިއްސާކޮށްފައިވާއިރު، އެ ގޭ ބޭރު ފާރުގައި ގާތްގަޑަކަށް ތިން ފޫޓުގެ ބޮޑު ރެނދެއް ލާފައެވެ.