މާލޭގެ 93 ގޭބިސީއަކަށް ވެލިބަސްތާ ފޯރުކޮށްދީފި

1 day ago

އަފްރާހް

އެމްއެންޑީއެފް ގެ ފަރާތުން މާލޭގެ 93 ގޭބިސީއަކަށް ވެލިބަސްތާ ފޯރުކޮށްދީފިއެވެ.


މިއީ ކުރިއަށް އޮތް ދުވަސްތަކުގައި މާލެއަށް ވިއްސާރަ ކުރާނެކަމަށް މޫސުމާއިބެހޭ ގައުމީ އިދާރާ އިން ލަފާކޮށްފައިވާތީ ކުރިއަށްގެންދާ އޮޕަރޭޝަންގެ ދަށުން ފޯރުކޮށްދިން ވެލިބަސްތާއެވެ.


ރައީސް ޑރ. މުޙައްމަދު މުޢިއްޒުގެ އިރުޝާދުގެ ދަށުން ހާއްސަ ޓާސްކްފޯހެއް އެކުލަވައިލާ، ޖޮއިންޓް އޮޕަރޭޝަންސް ސެންޓަރެއް ގާއިމުކޮށްފައިވަނީ ފުލުހުންނާއި ސިފައިން އަދި އެންޑީއެމްއޭ ގުޅިގެން ޖަނަވަރީ 13 ވަނަ ދުވަހުއެވެ.


މި އޮޕަރޭޝަންގައި، ވެލިބަސްތާ ޖަހަމުން އަންނައިރު، ކުޑަކުދިންގެ ބަގީޗާ އާއި ސަލްމާން މިސްކިތް ހުންނަ ސަރަހައްދާއި ރަސްފަންނު ސަރަހައްދުން ވެލި ބަސްތާ ލިބޭނެ އިންތިޒާމު މިހާރުވަނީ ހަމަޖައްސާފައެވެ. އަދި ކުރީގެ ހައުސިންގ މިނިސްޓްރީ ހުރި ބިމުގައި ވެސް މިރޭ 10 ޖެހުމާއި ހަމައަށް އާންމުންނަށް ވެލިބަސްތާ ދޫކުރުމަށް ވަނީ ނިންމާފައެވެ.


އެމްއެންޑީއެފް އިން ވަނީ ހއ. އުލިގަމުން ފެށިގެން ސ. ގަމާއި ހަމައަށް ތައްޔާރީތައް ވަމުން އަންނައިރު، ބައެއް ކުންފުނިތަކުން ވެސް ވަނީ ވިއްސާރައިގާ ދިމާވެދާނެ ކަންކަމަށް ތައްޔާރުވަމުންނެވެ. އެގޮތުން ސްޓެލްކޯ، އެމްޕީއެލް ފަދަ ކުންފުނިތަކުން ވަނީ ހާއްސަ ޓީމުތައް އެކުލަވައިލާ ތައްޔާރީ ހާލަތަށް ގެނެސްފައެވެ.


ކިޔުންތެރިންގެ ހިޔާލު