ދިރާގުން ދެ ޕްރޮމޯޝަނެއް ފަށައިފިއެވެ.

ދިރާގުން ބުނީ މިއީ 'ރޯދަ ރެޑީ' ގެނަމުގައި ފަށާފައިވާ ދެ ޕްރޮމޯޝަން ކަމަށެވެ. އަދި މި ދެ ޕްރޮމޯޝަނަކީ ދީނީ އަދި ސަގާފީ ގޮތުން ތައްޔާރުވެލަން ލިބޭ ފުރުސަތަކަށްވާނެ ކަމަށެވެ.

ދިރާގުގެ Limitehneh 30M އިން ފެށިގެން މަތީގެޕެކޭޖުތައް ނަގާ ފަރާތްތަކަށާއި އެ ޕެކޭޖާއި ހަމައަށް އަޕްގްރޭޑްކުރާ ފަރާތްތަކަށް އަދި ޕްރޮމޯޝަން ނިމެންދެން އެ ޕެކޭޖުގައި ދެމިތިބޭ ފަރާތްތަކަށް ހުޅުވާލާފައިވަނީ ހަތަރު ފަރާތަކަށް ހިލޭ އުމްރާ ދަތުރުލިބޭ ޕްރޮމޯޝަނެކެވެ.

މި އުމްރާ ދަތުރުތަކުގެ ނަސީބުވެރިންނަށް މިއަހަރުގެ ޖުލައި 22 އާއި އޮގަސްޓް 25 އާއި ދެމެދުގެ ތާރީހަކަށް ވަނީ ތާވަލުކޮށްފައެވެ.

މީގެއިތުރުން ފައިބެއަހަރުގެ ރަމަޟާން މަހު ވެސް ކުރިއަށްގެންދިޔަ ރޯދަ ރެޑީ ޝޮޕިންގް ސްޕްރީ މިއަހަރު ވެސް ކުރިއަށްގެންދިއުމަށް ވަނީ ނިންމާފައެވެ.

ނިމިދިޔަ އަހަރު މި ޕްރޮމޯޝަން ކުރިއަށްގެންދިޔައީ ހަމަ އެކަނި މާލެ ސަރަހައްދަށް އަމާޒުކޮށްނަމަވެސް މިއަހަރު ކުރިއަށްގެންދަން ނިންމާފައިވަނީ މުޅި ރާއްޖެއަށް ހުޅުވާލައިގެންނެވެ.

މި ޕްރޮމޯޝަންގައި 10 ނަސީބުވެރިން ހޮވި، ފިހާރައަކުން އެއް މިނެޓުގެ ތެރޭގައި ބޭނުން އެއްޗެއް ނެގުމުގެ ފުރުސަތު ލިބިގެންދާނެއެވެ. ނަސީބުވެރިންނަށް ޝޮޕިންގ ސްޕްރީގެ ފުރުސަތު ލިބިގެންދާނީ ފެބްރުއަރީ މަހުގެ ތެރޭގައެވެ.

މި ޕްރޮމޯޝަންގައި ބައިވެރިވުމަށް ފެބްރުއަރީ 25 ވަނަ ދުވަހުގެ ކުރިއަށް ދިރާގުގެ ޕްރީޕެއިޑް، ޕޯސްޓްޕެއިޑް ނޫންނަމަ ދިރާގުގެ ފައިބަރ ބްރޯޑްބޭންޑް ޕެކޭޖެއް ނެގުމުން އެ ފުރުސަތު ލިބިގެންދާނެއެވެ.

މީގެއިތުރުން ވެސް ރަމަޟާން މަހަށް ހާއްސަ ޕްރޮމޯޝަންތައް ދިރާގުން ކުރިއަށް އޮތް ހަފްތާތަކުގައި އިއުލާނު ކުރާނެ ކަމަށް ބުނެއެވެ.