މޯލްޑިވްސް އިމިގްރޭޝަނުން ކުރިއަށް ގެންދާ ގަވާއިދާ ހިލާފަށް އުޅޭ ބިދޭސީން ހައްޔަރުކުރުގެ ސިލްސިލާ އަށް ބޮޅެއް އިތުރުކޮށްފިއެވެ.

އެ އިދާރާގެ ބެލުމުގެ ދަށަށް މިފަހަރު ވަނީ 17 ބިދޭސީއަކު ގެނެސްފައެވެ. އެއީ ބިދޭސީންގެ ބޮޑު ކޮންޓްރޯލެއް އޮންނަކަމަށް އަބަދުވެސް އާންމުންގެ ފަރާތުން ކަންބޮޑުވުން ލިބެމުން އަންނަ ހީނާމާގެ ޕާކިންގ ސަރަހައްދުންނެވެ.

އެ ސަރަހައްދަށް އަމާޒުކޮށް ޓާސްކުފޯހުން ޖަނަވަރީ 13 ވަނަ ދުވަހު ހާއްސަ ރެއިޑު އޮޕަރޭޝަނެއް ކުރިއަށް ގެންގޮސްފައެވެ.

އެގޮތުން މި ސަރަހައްދަށް އެއްވެއުޅޭ ބިދޭސީންނާއި މި ސަރަހައްދުގައި ބިދޭސީން އިސްވެ ތިބެ ހިންގަމުންދާ ފިހާރަ، ކެފޭ ފަދަ ތަންތަން ވަނީ ބަލައި ފާސްކޮށްފައެވެ. އަދި ބަލައި ފާސްކުރެވުނު ތަންތަނުގައި ސައްހަ ވިސާއެއްނެތި ގަވާއިދާ ހިލާފަށް މަސައްކަތްކުރަމުންދާ 17 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެސްފައެވެ.