އޭޑީކޭ ސިނަރޖީ ހޭންޑްބޯލް މުބާރާތުގެ ފައިނަލަށް އެޓެކްސިއާ އާއި ކްރޭކަރސް ދަތުރުކޮށްފިއެވެ.

އެއްދުވަހުގެ މުއްދަތަށް ބާއްވާ މި މުބާރާތުގެ ފައިނަލަށް އެޓެކްސިއާ ދަތުރުކުރީ ގްރޫޕު ސްޓޭޖުގައި ކުޅުނު ހުރިހައި މެޗެއް ކާމިޔާބުކޮށްގެންނެވެ. ކްރޭކަރސް ކުޅުނު 4 މެޗުގެތެރެއިން ކާމިޔާބު ނުކުރެވުނީ ވެސް އެޓެކްސިއާ މެޗެވެ.

އެެހެންކަމުން މިރޭ 8:20 ގައި މި ދެޓީމު ވާދަކުރާއިރު، މިއީ އެޓީމުން ވަރަށް ވިސްނާނެ ކަމެކެވެ. އަދި ބަލިނުވެ، މުބާރާތް ކާމިޔާބު ކުރުމަށް އެޓެކްސިއާ ވެސް މަސައްކަތް ކުރާނެއެވެ.

މި މުބާރާތުގައި މިއަދިު މެންދުރުފަހުގެ ދަންފަޅި 2:30 ގައި ތަންޑަރބޯލްޓްސް އާއި ފިސާރި ގެ މެޗުން ފެށިއިރު، 4 ލަނޑު 2 ލަނޑުން ކާމިޔާބުކުރީ ތަންޑަރބޯލްޓްސް އެވެ. އަދި 3:10 ގައި އެޓެކްސިއާ އާއި ކްރެކަރސް ވާދަކުރާއިރު މެޗު 5 ލަނޑު 2 ލަނޑުން އެޓެކްސިއާ މޮޅުވިއިރު، 3:50 ގައި ސީއާރްޑި އާއި ތަންޑަރބޯލްޓްސް ބައްދަލުކުރި މެޗު 6 ލަނޑު 2 ލަނޑުން ކާމިޔާބުކުރީ ތަންޑަރބޯލްޓްސް އެވެ.

މީގެއިތުރުން ފިސާރި އާއި ކްރެކަރސް ބައްދަލުކުރި މެޗު 5 ލަނޑު 1 ލަނޑުން ކްރޭކަރސް ކުރިހޯދާފައިވާއިރު، ގުރޫޕު ސްްޓޭޖުގެ ފަހުމެޗުގައި އެޓެކްސިއާ އާއި ސީއާރްޑީ ބައްދަލުކޮށް 0-2 ން ކާމިޔާބުކުރީ އެޓެކްސިއާއެވެ.

މިރޭގެ ފައިނަލް މެޗަށް ފަހު، ވަނަތަކަށް ދިޔަ ފަރާތްތަކާއި ޗެމްޕިއަން އަދި ރަނަރއަޕް ޓީމަށް ތައްޓާއި މެޑެލް ހަވާލުކުރުން އޮންނާނެއެވެ.

މިއީ އޭޑީކޭ ގްރޫޕްސް އޮފް ކޮމްޕެނީގައި ހިމެނޭ ހުރިހައި ޑިޕާޓްމެންޓުތަކުގެ މުވައްޒަފުންގެ މެދުގައި އެކުވެރިކަމާއި އެއްބައިވަންތަކަން އުފައްދައި، ދުޅަހެޔޮ ސިއްހަތަކަށް މަގުފަހިކޮށްދިނުމަށް ބާއްވާ މުބާރާތެކެވެ. އަދި އެކި ޑިޕާޓްމެންޓުތަކުގައި ވަޒީފާ އަދާކުރާ އެންމެން އެއްތާކުން ބައްދަލުވެ، އުފާވެރި ވަގުތުކޮޅެއް ހޭދަކޮށްލުގެ ފުރުސަތު ދިނުމަކީ ވެސް މި މުބާރާތް ބޭއްވުމުގެ މަގްސަދެކެވެ.