ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ގައުމީ މަޖިލީހުގެ ބައި-އިލެކްޝަން ފަށައިފިއެވެ.

މިއަދު މެންދުރުފަހު 2 ޖެހިއިރު ފެށި މި ބައި-އިލެކްޝަން މިރޭ 9 ޖަހަންދެން ކުރިއަށްދާނެއެވެ.

މި އިންތިހާބުގައި 21 ދާއިރާއަކަށް މެންބަރުން ހޮވުމަށް ހަމަޖެހިފައިވާއިރު، އޭގެތެރޭގައި މެދުހެންވޭރު ދާއިރާ، ހެންވޭރު އުތުރު ދާއިރާ، ގަލޮޅު އުތުރު ދާއިރާ، މައްޗަންގޮޅި އުތުރު ދާއިރާ ހިމެނެއެވެ. އަދި މާފަންނު އުތުރު ދާއިރާ، ހެންވޭރު ހުޅަނގު ދާއިރާ ވެސް ހިމެނެއެވެ.

މީގެއިތުރުން ހުޅުމާލެ މެދު ދާއިރާއާއި ހުޅުމާލެ އުތުރު ދާއިރާއާއި އިހަވަންދޫ ދާއިރާއާއި ދިއްދޫ ދާއިރާގެ އިންތިހާބު ވެސް ކުރިއަށްދާނެއެވެ. އަދި ކެލާ ދާއިރާއާއި އުނގޫފާރު ދާއިރާއާއިި އިނގުރައިދޫ ދާއިރާއާއި ހުރާ ދާއިރާ، މާމިގިލީ ދާއިރާ، ދަނގެތި ދާއިރާ އަދި ކޮލަމާފުށި ދާއިރާ އާއި ފަރެސްމާތޮޑާ ދާއިރާގެ އިންތިހާބު ވެސް ކުރިއަށްދާނެއެވެ.

ޖުމްލަ 24 ރަށެއްގައި ވޯޓުފޮށި ބަހައްޓާފައިވާއިރު، މާލެ ސަރަހައްދުގެ ވޯޓުލުން ކުރިއަށްދަނީ ހިރިޔާ ސްކޫލާއި ތާޖުއްދީން ސްކޫލުގައެވެ.