މަޖީޖިއްޔާ މުސްކުޅި ދަރިވަރުންގެ ޖަމިއްޔާ (މމދ ޖަމިއްޔާ) ނައިބު ރައީސްކަަމަަށް ކުރިމަތިލީ ފަރާތްތަކުގެ ނަމްބަރު ތަރުތީބުކޮށްފިއެވެ.

އެ މަގާމަށް ކުރިމަތިލުމުގެ ފުރުސަތު 27 އޯގަސްޓުގައި ހުޅުވައިލާ 16 ސެޕްޓެމްބަރ ގައި މުއްދަތު ހަމަވިއިރު، 8 ފަރާތަކުން ވަނީ ވާދަކުރުމަށް ހުށަހަޅުއްވާފައެެވެ. އެފަރާތްތަކުގެ ކެންޑިޑެސީ ނަމްބަރު ތަރުތީބުކުރުން ބޭއްވީ 18 ސެޕްޓެމްބަރުގައެވެ.

ކެންޑިޑޭޓް ނަމްބަރު 1 ހުސައިން ސުހައިލް އަށް ލިބުނުއިރު، މުހައްމަދު ޝިފާން އަށް ލިބުނީ 2 އެވެ. އަދި ކެންޑިޑޭޓް ނަމްބަރު 3 އިސްމާއިް ސާޖިދަށް ލިބުނުއިރު، 4 ލިބުނީ އަބްދުލްހަމީދު އަބްދުއްރަހީމް އަށެވެ.

ކެންޑިޑޭޓް ނަމްބަރު 5 މުހައްމަދު ޝަރަފް އަށް ލިބުނުއިރު، ނަމްބަރ 6 ލިބުނީ މުހައްމަދު އިނާޛު އަށެވެ. އަދި ނަމްބަރ 7 ހުސްނީ އަގީލް އަށް ލިބުނުއިރު، ކެންޑިޑޭޓް ނަމްބަރ 8 ލިބުނީ މުހައްމަދު އަބްދުﷲ ސައީދު އަށެވެ.

މމދ ޖަމިއްޔާ އިން 'އޮއިވަރު' އަށް މައުލޫމާތު ދެއްވާފައިވާ ގޮތުގައި ކެމްޕެއިން ކުރުމުމުގެ ފުރުސަތު ކެންޑިޑޭޓުންނަށް މިއަދުވަނީ ހުޅުވާލާފައެވެ. އަދި އެ ފރުސަތު އޮކްޓޯބަރ މަހުގެ 9 ވަނަ ދުވަހާއި ހަމައަށް އޮންނާނެއެވެ.

މީގެއިތުރުން ވޯޓަރސް ރެޖިސްޓްރޭޝަންގެ ސުންގަޑި މި ހިނގާ ސެޕްޓެމްބަރ މަހުގެ 30 ގެ ނިޔަލަށް ހަމަވާއިރު، ވޯޓުލުން އޮންނާނީ އޮކްޓޯބަރ 10 ވަނަ ދުވަހުއެވެ. އަދި ހަމަ އެދުވަހު ނަތީޖާ ވެސް އިއުލާން ކުރާނެއެވެ.