ދޯހާ މެރަތަންގައި ދުވުމުގެ ފުރުސަތު އުރީދޫ ކަސްޓަމަރުންނަށް މިފަހަރު ހުޅުވައިލާ، ހާއްސަ ލަކީ ޑްރޯއެއް އިއުލާންކޮށްފިއެވެ.

އުރީދޫ އިން ވިދާޅުވީ ދޯހާ މެރެތަންގައި ދުވުމުގެ ދެ ފުރުސަތު ލިބޭ ލަކީ ޑްރޯއެއް އިއުލާނުކޮށްފައިވާ ކަމަށެވެ.

އަންނަ 2025 ވަނަ އަހަރުގެ ޖަނަވަރީ 17 ގައި ގަތަރުގައި އޮންނަ މި ދުވުމުގައި ބައިވެރިވާ ލަކީޑްރޯގައި ބައިވެރިވުމަށްޓަކައި އުރީދޫ ވެބްސައިޓު މެދުވެރިކޮށް 26 އޮކްޓޯބަރ އިން ފެށިގެން 26 ނޮވެމްބަރ ގެ 23:59 އާއި ހަމައަށް ބައިވެރިވެވޭނެއެވެ.

ލަކީ ޑްޜޯގައި ބައިވެރިވުމުގެ ޝަރުތުތަކުގެ ތެރޭގައި އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން 1 އެއްއަހަރު ދުވަހުހުރުން ނުވަތަ ލަސްވެގެން 1 އޮކްޓޯބަރ 2023 ން ފެށިގެން އެ ކުންފުނީގެ ކަސްޓަމަރަކަށްވުން ހިމެނެއެވެ.

މީގެއިތުރުން ދޯހާ މެރެތަންގައި ހާފް މެރެތަންއެއް ނުވަތަ މެރެތަންއެއް ދުވުމުގެ ގާބިލްކަން ސިއްހީ ގޮތުން ހުރުމާއި މީގެ ކުރިން ހާފް މެރެތަންއެއް ނުވަތަ މެރެތަންއެއް ދުވެފައިވުން ހިމެނެއެވެ. އަދި ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުން ވެސް ހިމެނެއެވެ.

ފައިބެއަހަރު ވެސް މިފަދަ ލަކީޑްރޯއެއް ބާއްވައި، އުރީދޫ އިން ވަނީ ދޯހާ މެރަތަންގައި ދެ މީހުން ބައިވެރިކޮށްފައެވެ.